身體有事？》街坊look宣萱出入中環醫生大廈

女士們都係鍾意行街濕平，宣萱都唔例外，不過稍有唔同嘅係，佢鍾意行九龍城、逛疏果雜貨舖。所以呢日《壹》仔喺中環見到宣萱算係好難得架喇！

宣萱同個friend喺中環卡佛大廈行出嚟，呢棟嘢出晒名係醫生大廈，但睇佢哋兩個咁好笑容仲雞啄唔斷，應該都係例行檢查，身體應該無咩大礙嘅！

話時話，女星嚟講，宣萱嘅打扮真係相當casual，以為佢去九龍城買餸先會牛記笠記街坊平民少少，點知約個friend喺中環見面都係咁打扮。不過約得姊妹，唔打扮點都要有dress code嘅，除咗黑超，仲有一人孭一個嘅史諾比袋。

宣萱最後企喺條街到同個friend講多兩句，然後就去拎車走人.