【FACE即時】海中央被綁 半天吊獲救 宣萱被脅持24次榮登娛樂圈「人質王」

(影片更新)近日大台又重播14年前由古天樂主演經典劇《尋秦記》，雖然已經係第三度重播，不過呢套劇同大台近年啲膠劇相比，的確好多勁多倍，所以唔少巴絲們都寧願追睇呢套N年前舊作。

講到呢套劇，好多演員已經離開晒大台，其中一位就係曾經係大台花旦之一嘅宣萱，唔知大家又有冇發現，宣萱喺大台咁多年拍嘅劇都有個共通點，係咩？咪就係成日都要畀人脅持囉！自94年參演無綫劇集《餐餐有宋家》開始，每逢她演出嘅古裝同時裝劇，佢被安排做人質加加埋埋有22次咁多，連同電影和新加坡劇合共被脅持24次，堪稱係娛樂圈人質王。

至於較為人熟悉嘅劇集有《天地豪情》、《洗冤錄》、《流金歲月》，近期啲就有《掌上明珠》、《萬凰之王》同《飛虎》等，而佢每次被人脅持嘅方法都五花八門，唔止用刀、槍、手拷連原子筆都有，亦曾被人綁係海中央同半天吊等，不過佢嘅生存能力都好高，最後都係被人救咗。唔知宣萱下次有機會返大台拍劇，又會唔會再被人脅持呢？

http://hk.apple.nextmedia.com/realtime/magazine/20151217/54546423