【FACE即時】兩代花旦開演唱會
徐子珊離大台不敵Deep V宣萱


正式同大台講byebye嘅徐子珊，除咗學珠寶設計增值自己，十一月仲會拍住幾位「女神」一齊殺入九展，舉行一連兩場「我的女神演唱會」。今日子珊同余安安、夏文汐、宣萱等人，現身紅磡出席「我的女神演唱會」記者會。兩位前大台花旦宣萱同子珊，不約而同著上黑色deepV裙，不過宣萱比起自然派子珊就有料得多，胸前汗跡仲若隱若現，真係另類性感。

子珊透露為咗演唱會積極備戰：「我Book咗唱歌老師，諗住由依家開始練到11月。(會唔會唱〈Hit me〉?)我唔知hit唔hit到呀，哈哈，你哋覺得呢？徇眾要求都可以hit吓，跳吓舞囉，不過同音樂總監開過會，想有啲新嘢，交畀佢哋決定啦，所以其實我到依家都唔知自己會做啲咩。」

至於無約一身輕嘅佢，今日又被問到會唔會重返大台，子珊就話：「Keep住有聯絡嘅，佢哋都想繼續揾我傾吓，其實我哋關係依然非常好，啱啱對上工作都係TVB幫我接嘅。其實依家都有唔同嘅公司接觸我，但係我都暫時同佢哋講，我未ready去傾，我自己又忙緊讀書，好大壓力。（睇獎定睇錢？）我冇諗喎真係，我諗自由度囉，嚟緊即使開工，都希望可以喺珠寶設計方面發展，我都想每年都可以有時間讀書。」

子珊仲話有興趣推出珠寶作品：「我有咁嘅構思，希望揾到sponsar做啦，如果唔係好貴呀。」有冇老闆聽到佢嘅心聲？


兩位前大台花旦宣萱同徐子珊，今日不約而同著上黑色deepV裙，出席「我的女神演唱會」記者會。


七位「女神」即將喺11月舉行音樂會。加埋幾多歲呢可!


兩位都好deep。


宣萱好好身材喎。

http://hk.apple.nextmedia.com/realtime/magazine/20150920/54226255