News from Sun

杜如風、鄭融及宣萱等昨日帶愛犬參與《人狗百萬行》，杜如風主持的無綫節目《流行首爾》近日成為熱話，有備而來的她笑言歡迎記者「圍攻」，提到網民不滿其主持風格，她表示會對人身攻擊一笑置之：「最好笑係有人話我甲組腳，既然咁離譜就不如唔理，做番自己！（唔開心？）冇。」問到旅遊節目的下個目的地？她說：「或者搞個《流行地府》，到時燒段片上嚟！7月14日首播，播到鬼門關門為止。」鄭融則自認是杜如風的粉絲，又坦言想與對方合作。


宣萱攬愛犬合照，人狗情深。

至於宣萱則指去年痛失兩隻狗仔，故為家中增添了新成員：「依家屋企規定有三狗兩貓。」她更驚爆狗仔為爭寵而「血洗」寓所：「佢哋爭寵打到耳仔撕開，血灑咗幾分鐘，搞到我去抹血牆同拖血地，仲要止血同訓話。」


---------------------

宣萱驚爆遭狗仔血洗寓所
01月11日(日 16:18


宣萱家中養有三狗兩貓，認真愛心爆棚。


宣萱領養狗仔前都會帶埋家中的愛犬去探領養的狗仔。


宣萱大爆家中的狗仔因為爭寵而血洗寓所。


【on.cc東網專訊】 宣萱（Jessica）帶同愛犬於大欖郊野公園，出席「人狗同樂百萬行」活動。每年均現身捧場的Jessica透露去年痛失兩隻狗仔，故為家中增添了新成員boom boom：「之前有隻六歲嘅狗仔腎衰竭走咗，依家屋企規定有三狗兩貓，仲有隻收養咗四個月（狗仔）做手術時走咗。今次收養boom boom我帶埋工人同另外兩隻狗仔去睇佢。（帶埋男友過目？）唔關事，要帶其他狗仔去，因為狗仔佢哋要相處。」
Jessica又驚爆狗仔們為爭寵而「血洗」其寓所：「佢哋唔夾就出問題，開始爭寵打架，打到耳仔都撕開埋，血灑咗（屋企）幾分鐘，搞到我做阿四去抹血牆同拖血地，仲要止血同訓話。不過其實佢哋幾乖，我冇領養錯到！狗仔病咗仲識執山草藥食，揀完草食就會嘔，之後就冇事。」


http://hk.on.cc/hk/bkn/cnt/entertainment/20150111/bkn-20150111161842266-0111_00862_001.html