宣萱素顏見得人 剩女飯局賀生辰

年前與外籍獸醫Ruan緣盡分手的宣萱至今仍然無人問津，但年紀有番咁上下的她卻從未驚過，事關上周五被記者撞破Dry爆的她與圈外女友人食飯慶生時，不單充分體現出女性應有的大方與淡定，全程笑笑口有問必答，即使無化妝仍然任影唔嬲，對自己相當有信心！相比起經常怨天怨地兼謝絕素顏曝光的剩女們，係時候學纒№啦！採訪：畢紹基、徐錦池、龍婉琪

　　宣萱早年與外籍男友愛到捨難離，頻頻向外界暗示二人將會結婚又生仔，正當眾人以為呢對金童玉女打風打唔甩之際，宣小姐卻突然公開表示二人已緣盡分手，令不少圈內、外朋友大跌眼鏡，加上與她同期的關詠荷、陳慧珊、蔡少芬等無铫花旦已相繼嫁作人妻，僅餘下她孤家寡人，難免令人擔心，不過相信緣份天注定的她卻未有如其他剩女般怨天尤人，相反更積極裝備自己，成為剩女典範。

　　素顏上陣傾密偈

　　上周五晚，身穿Casual Wear的宣萱與3名女友人現身大坑《隱泉》，大擦日本貴價串燒。當晚所見，宣萱雖然素顏上陣，但保養得宜的她仍然相當見得人，只見她席間與友人們講過不停，頻頻發出嘻哈笑聲，情緒非常高漲。未幾，為免違例泊車，仲未傾夠的她更索性走到停車場一口氣入多個幾小時咪錶，然後折返繼續Girl's Talk。

　　眾人飯聚至十一時許，齊齊步出離開，驚見有記者在場的宣萱即時嚇到發呆失笑。為免嚇親圈外友人，宣萱更識做地先行走近記者接受訪問，並自爆當晚是與友人慶祝生日。問到會否留下為TVB打仗時，她淡淡定向記者笑說﹕「仲傾緊，未決定。(有什麼考慮因素﹖)最緊要係睇角色、劇本，唔係金錢問題。(王維基有否向你招手﹖會否考慮轉陣﹖)一直都有搵我洽談，未決定，都係睇角色、劇本、陣容等等。」。

　　正當眾人走近停車場取車之際，宣萱巧遇正在打理鋪頭的林子善，只見二人嘻哈一輪後，宣萱便化身柴可夫接送朋友離去。


※宣萱為免座駕被抄牌，即使傾到魀起仍然走到停車場入錶。


※巧遇林子善的宣萱即時上前向對方問好，還祝賀他開張大吉。


※宣萱表示仍未決定將來去向，一切等角色、劇本再作決定。