淪為配角 陶大宇狂黑吳啟華面

金牌監製鄧特希最近找來《壹號皇庭》班底拍攝新劇《隱世者們》，並以陶大宇及吳啟華做主角，最初表明兩人戲分相若，同屬男一。但據《e+娛樂》報道開拍前投資者開會，認為陶大宇近年聲勢不如前，反而吳啟華外埠有叫座力，故臨時減陶大宇戲分，令吳啟華變成真正男一。日前周刊拍得兩人為《隱世者們》開工時，陶大宇成日黑面，除非必要埋位錄影，其餘時間與吳啟華都冇偈傾，似乎非常不滿意自己由男一「降呢」變男二。

自從07年因為搭上郭羨妮，與前妻阿寶離婚後，陶大宇近年發展平平，故當金牌監製鄧特希提出以《壹號皇庭》班底拍攝新劇《隱世者們》時，一心認定自己是男一的陶大宇原本寄望甚殷，相信可以令自己憑此劇翻身。
吳啟華獲加戲
「鄧特希上年初搵到資金開拍《隱》時，已經開始不停約演員上公司睇劇本同度期，吳啟華、蘇永康同宣萱睇完劇本好快就答應。大宇就諗咗足足1個月，先通知劇組話有興趣拍。大宇呻過，當年自己喺
《壹號皇庭》係男一，而今次嘅戲分就要同後期至加入《壹》劇嘅吳啟華平分，覺得自己降呢，所以要諗諗先喎。」知情人士向《e+娛樂》透露。
最後陶大宇都稍作妥協應承接拍，但對他不利的消息陸續有來。去年10月初，在劇組全體即將開拍前夕，投資者臨時把吳啟華戲分提升，以增加外埠叫座力，連累陶大宇要刪減戲分，令他甚為不滿。
劇組人員表示：「鄧特希惟有即刻大執劇本，事後親自同陶大宇解釋，點解由平分男主角變男二。鄧特希對大宇有知遇之恩，大宇把口話冇嘢，但個心就唔係咁諗，尤其同啟華同場，覺得係啟華搶咗佢啲戲，面色自然唔多好睇。」
中環開工黑面
上月28日下午，《e+娛樂》就影到陶大宇與吳啟華為《隱》劇到上環新中區警署拍攝外景，當日是陶大宇首日開工。現場所見，陶大宇本來跟一眾工作人員尚算談得來，不過當他見到吳啟華後，就面色一沉，不但冇向這名
「老拍檔」打招呼，更全程黑面。
及後，劇中飾演警察的陶大宇，與飾演特務的吳啟華拍攝一場對峙戲，戲外兩人面左左，陶大宇繼續黑面。不過當吳啟華返回座駕打發時間，陶大宇心情忽然轉好，與其他工作人員有講有笑。
周刊記者曾致電陶大宇及鄧特希，詢問陶大宇戲分臨時被減一事，但至截稿前兩人仍未回覆。