陶大宇再戀宣萱示愛口震震



陶大宇、宣萱這對螢幕「舊情人」，最近在新劇再拍談情戲，大宇坦言大家都拍了「廿年拖」駕輕就熟，但在氣溫只得十度的飛鵝山談情，凍到牙關打震，大宇笑言：「冇幾可！年輕觀眾以為我示愛膽怯，咁咪仲有新鮮感！」


陶大宇與宣萱在《隱世者們》中再續前緣，還要應付親熱場面！

由無綫經典劇《壹號皇庭》班底陶大宇﹑吳啟華、宣萱、蘇永康演出的鄧特希新劇《隱世者們》，監製今次再安排陶大宇和宣萱再演情侶，二人在廿年前於《皇庭》的一段情為觀眾喜愛，廿年後二人再在《隱》劇重遇，當然要再續前緣，不過，今次大宇與宣萱談情卻有點少男feel，因為他在示愛時竟然口震震，場面搞笑。


應付親熱場面

大宇受訪時稱山頂太凍搞到口震震：「呢幾日其實唔算凍，但我哋喺飛鵝山拍談情戲，山頂溫度得十度左右，戲服又唔夠厚，講對白咪口震震囉，因為嗰場係示愛，所以都有啲搞笑！（以為你瞻怯？）對住宣萱冇幾可！年輕觀眾以為我示愛膽怯，咁咪仲有新鮮感！」據監製鄧特希透露，大宇和宣萱還有不少親熱場面，相信這對「舊情人」可再續前緣。

呂晶晶演特工

而同戲的呂晶晶，演女特工的她，前晚與蘇永康和吳啟華拍攝槍戰和打鬥場面，身為女兒家的晶晶捱了幾晚通宵還頂得住：「呢幾晚都係拍同一個動作場面，好彩有練過泰拳，體能上可應付」而蘇永康再拍鄧特希的新劇，他稱：「雖然耐冇合作，但一拍即合，默契番晒嚟！監製寫畀我嘅戲，完全係我嘅模式。」

文：影視組


陶大宇笑言在飛鵝山與宣萱拍談情戲時凍到口震。

------------------------

陶大宇示愛口震震


陶大宇與宣萱再合作拍劇，但大宇講示愛對白時口都震。

無綫經典劇《壹號皇庭》班底陶大宇、吳啟華、宣萱和蘇永康演出新劇《隱世者們》，監製今次再安排大宇和宣萱演情侶，但大宇講示愛對白時卻口震震，他笑言因山頂太凍：「山頂溫度得十度左右，戲服又唔夠厚，講對白咪口震震囉！（以為你瞻怯？）對住宣萱冇幾何！」

呂晶晶、蘇永康和吳啟華拍攝槍戰場面。

監製鄧特希透露，大宇和宣萱有不少親熱場面，相信這對「舊情人」可再續前緣。而同劇演特工的呂晶晶，前晚與蘇永康和吳啟華拍攝槍戰及打鬥場面，晶晶捱了幾晚通宵還頂得住：「好彩有練過泰拳體能上可應付。」而再拍新劇的蘇永康說：「雖然耐冇合作，但一拍即合！」