http://hk.apple.nextmedia.com/realtime/magazine/20160107/54620125

【FACE Pop Poll 】FACEPop直選「最想邊個花旦2016拍港劇?」45歲宣萱拋離阿佘奪冠




「最想邊個花旦2016拍港劇」選舉中，宣萱(中 以1128票爆冷勝出，而佘詩曼(右 及鄭裕玲(左 分別以710票及471位例第2及第3名。


結果冇花冇假。


「人質王」宣萱喺劇集中被綁架有24次。(網上圖片


宣萱噚晚都有現身港台為十大中文金曲擔任頒獎嘉賓。

第2名嘅佘詩曼都要輸俾宣萱超過4百票。

(影片更新 【FACE Pop Poll - 2016你最期待的韓劇?】投票：http://facepop.hk

大家喺剛過去嘅2015年一打開電視機，唔係見到有線黨黃翠如就係13年屎戲港姐幫陳凱琳同蔡思貝，應該好想一拳打爆部電視機啦，而大台最近更加買入大陸劇《無心法師》喺黃金時段930播放，所以大家選擇熄電視再等到凌晨12點先再開等睇14年前嘅《尋秦記》，懷緬些年獨當一面嘅女主角宣萱同郭羨妮等都好合理。

最近FACE Pop搞咗個「最想邊個花旦2016拍港劇」嘅選舉，今次總投票人數超過3千，而投票都已經有咗結果，當選「最想邊個花旦2016拍港劇」票后嘅係爆冷獲得1128票嘅大台「人質王」宣萱，唔知係唔係因為《尋秦記》嘅關係，宣萱可以擊敗其餘7位花旦。自從三年幾前嘅《飛虎》被綁架第24次後，今年45歲嘅宣萱都係悠閒咁拍下大陸劇或港台劇，上年仲同大班中女女神開埋《我的女神演唱會》，而佢噚晚都有現身港台為十大中文金曲擔任頒獎嘉賓。

第2名嘅佘詩曼都要輸俾宣萱超過4百票，得710票。今年40歲嘅阿余喺2015年主力向電影發展，同年拍攝過《衝上雲霄》及《十月初五的月光》，而喺16年亦會為電影版《使徒行者》擔任女一，唔知佢下半年會唔會出番嚟拍劇，解救香港用電視汁撈飯嘅朋友呢。

Do姐(鄭裕玲 去完shopping，而家就以471票奪得第3名「最想邊個花旦2016拍港劇」。其實Do姐上一部拍嘅劇集已經係15年前同子華神為大台拍嘅處境喜劇《男親女愛》，近年佢大多都係擔任大台節目嘅司儀，係直至最近佢同農夫及翠如BB一齊去shopping製造出嘅化學反應，令到Do姐人氣都忽然急升，最近更加有傳，黃子華及Do姐將會再次合作，拍攝《男親女愛2》，而Do姐當時都不諱言，表示好希望再拍子華，睇嚟《男親女愛2》好大機會真係有得睇喎。

其餘四至八位花旦如下
4.陳法拉（33歲）(387票 ，最後大台劇《法外風雲》(2013)。
5.張可頤（46歲）(239票 ，最後大台劇《天梯》(2012)，14年尾主演港視《來生不做香港人》。
6.鄧萃雯（49歲）(180票 ，最後大台劇《金枝慾孽貳》(2013)。
7.蔡少芬（42歲）(122票 ，最後大台劇《金枝慾孽貳》(2013)，唯早前唐詩詠稱大台16年新劇《公公出宮》中，蔡少芬將會飾演黎耀祥之妻子。
8.胡杏兒（36歲）(70票 ，最後大台劇《梟雄》(2015)。

下載Android或iPhone版【FACE Pop】App： http://bit.ly/facepopdl
FACE Pop官網： http://facepop.hk

^_^