2015年12月17日


　　阿倫寓工作於娛樂，在《溫拿NEVER SAY GOODBYE演唱會2016》舉行前夕先接拍由林超榮執導的電影《江湖喜劇》。由於片中演員戚美珍（三嫂）、伍詠薇（伍姑娘）等均是阿倫老友，而宣萱又好玩得，所以每日開工都好快樂。其實當年戚美珍及宣萱不約而同做過阿倫MV女主角，而兩人更是唯一冇被阿倫咀過的！宣萱解釋：「當時幫阿倫拍《情緣巴士站》MV時仲係新人，好驚所以要求唔咀。」在旁的阿戚代宣萱質問阿倫：「咁你咀鰦幾多女呀？咀時有冇伸婣？」阿倫即嘻皮笑臉地回應：「咀完時咪好似啄木鳥咁『卜』一聲囉。」


※雖然60有5，但校長仲非常玩得，一出聲基本上已引到你笑。日前他跟三嫂及宣萱到荃灣港安醫院拍《江湖喜劇》外景，他還落脇重演預防前列腺癌廣告中的「雙手遮下體」動作，睇佢影得幾開心。問到現在「功能」有冇失調？用多用少時？阿倫大笑說：「梗係ok啦！用多用少你懐估纒啦！因為踢波比以前多，一周平均落四次場仲精壯過以前，哈哈哈哈哈。」



※當日外景場口是講述阿倫被陳小春及戲中老婆伍詠薇用車撞而入院，病人look的阿倫被客串飾演醫生的宣萱指懷疑患前列腺癌，要求「護士」戚美珍幫手做進一步檢查，拍攝時阿倫沒半點難為情，所以拍攝非常順利。


------------------------


News from Oncc


網民熱話：宣萱綁架血淚史
12月16日(三 18:01


「人質王」宣萱當之無愧！




【on.cc東網專訊】 無綫近年都有唔少花旦小生約滿之後離開，出去外面闖一番事業，不過一班網友都無忘記過，喺啱啱重播嘅劇集《尋秦記》，可以話係網友熱捧之作！而當中一位離開咗無綫嘅前花旦宣萱，唔少網友都話好掛住佢，唔單止係佢嘅演出，竟然仲話每次都好期待佢做人質，點解咁講？皆因尋日就播出宣萱因為行刺失敗而被人挾持住，好彩最後都畀古天樂救番，如果唔係就真係幾大獲！
呢一幕都有唔少網友諗起，宣萱除咗演技出色次外，仲係過往十幾年前嘅無綫劇集入面，佔咗大部分劇集挾持住，分別有刀、槍又或者畀人綁係海中央同半天吊等等，所以今次就令唔少網友都記得佢有個名叫「人質王」，當中劇集就有：《天地豪情》、《洗冤錄》、《流金歲月》，近期啲就有《掌上明珠》同《萬凰之王》等等，雖然係差唔多次次畀人挾持住，不過每次佢嘅生存能力都好高，次次都「死唔去」，好厲害架！
雖然係咁，但有網友就好感慨留言，好想再見到宣萱返嚟拍劇，仲講笑咁話叫無綫開番套叫「宣萱綁架血淚史」，只係睇個名都已經成個畫面出晒嚟！亦有唔少網友話宣萱不嬲都係好戲之人，如果依家返去無綫同班新人拍劇的話，應該都會擦出唔少新火花！
網友有話兒：
Charles XXXX：可能綁匪話：唔知點解，我一見到宣萱，就想綁佢。
Alfxxx Shek：尋秦記電影版再綁架一次好喎！
chloe xxxxx：好多次！
x仔：人質王，當之無愧！


宣萱尋日又畀人挾持喇。



成日畀人綁。


畀刀挾持。


做慣做熟呀。


放過我啦！（設計對白）



幾時返嚟拍戲呀？