蘇永康自爆新劇角色鍾意男人

四人各有Solo環節，其中蘇永康就表示拍攝過很多電影，但沒有人記得，反而大家只會記得他拍攝過電視劇《壹號皇庭》、《妙手仁心》，他又謂明年將會以同樣班底拍攝新劇集《隱世者們》：「二十年後呢個班底重組，鄧特希、吳啟華、陶大宇、宣萱同小弟我，今次唔係法律或者醫生，係玩特工，但唔知點解我嘅角色都係鍾意男人！」之後便唱出《壹號皇庭V》的插曲《從來未發生》。


陶大宇、宣萱 　資料圖片

----------------------------


News from Sun

城中鏡：宣萱撐領養中年犬 安樂窩奉旨食玩瞓



梁靖琪（左）話喺宣萱身上學到好多有關寵物嘅知識。

藝人Jessica宣萱同Toby梁靖琪尋日出席慈善午宴，專誠到場宣揚有關領養同愛護動物嘅訊息。Jessica透露現時家中養咗三隻愛犬、兩隻貓同一缸魚，坦言養寵物前，必須注重承諾嘅重要性，又透露早前提及患上癌症嘅愛犬已在數月前離世，但仍會繼續領養其他中年狗隻，佢話：「好多人鍾意由bb狗養起，但佢哋得十四、十五歲命，我希望喺佢哋生命行到一半時，都有人去錫去愛，有好嘅環境生活。」佢又話唔會訓練狗隻懂得任何指令：「我只希望佢哋開心、食得飽、瞓得好，有個安樂窩，如果另一半討厭狗，我係唔會同佢開始。」而養有兩貓一狗嘅Toby，就話喺Jessica身上學到好多有關寵物嘅知識，又透露現為無綫拍攝入行十年以來嘅第一部古裝劇，笑言暫未有時間拍拖，現階段只追求開心同希望日後可搵到一位很合拍嘅人。


----------------------------

News from Apple

宣萱一世養狗


■宣萱昨日明言，擇偶時對方必不可討厭狗隻。


宣萱、梁靖琪（Toby）等昨日於尖沙嘴出席「一生一世的承諾慈善午宴」，愛狗如命的宣萱現時養了三狗兩貓及一缸魚，對於被遺棄的貓狗，宣萱不遺餘力去領養兼照顧終身，她說：「我係一隻狗離開，就領養一隻，唔會畀佢停，有生之年養得幾多得幾多。面對過九隻狗離世，每隻都傷心，但都希望喺短暫嘅生命裏面畀到愛佢哋。」
對於早前有藏獒咬傷人，宣萱說：「咬人好嚴重，自己隻狗有危險性，主人要負責任。」她更表明揀男友必定不可討厭狗隻：「如果討厭狗嘅一定唔會開始。」此外，Toby表示正等待緣份來臨，正考取健身教練牌的她，目標是新一年可開設健身中心。

採訪、攝影：羅慧敏


----------------------------


宣萱籲大眾收養中年狗

藝人宣萱、梁靖琪（Toby）、江美儀昨日出席慈善午宴，三人到場宣揚有關領養及愛護動物的訊息。宣萱透露現時養三隻愛犬、兩隻貓及一缸魚，坦言養寵物前必須注重承諾的重要性。她又透露患癌的愛犬已在數月前離世，但仍會繼續領養其他中年狗隻。宣萱謂：「好多人鍾意由BB狗養起，但佢哋得14、15歲命，我希望喺佢哋生命行到一半時，都有人去錫去愛，有好嘅環境生活。」更指不會訓練狗隻學任何指令：「我只希望佢哋開心、食得飽、瞓得好，有個安樂窩。（另一半唔可以憎狗？）如果討厭狗，我係唔會開始。」



宣萱（右）與梁靖琪都是愛狗之人。

養兩貓一狗的Toby表示從宣萱身上學懂很多有關寵物的知識，並透露現為無綫拍攝入行十年以來的第一部古裝劇。她透露未有時間拍拖，只追求開心，希望日後可找到一位合拍的人。

----------------------------


News from Appleaction

【有生之年唔會停】宣萱不斷領養狗狗：希望畀到愛佢哋


宣萱出心出力，照顧被遺棄嘅動物。右圖攝影：黃曉妍(蘋果日報


宣萱、梁靖琪（Toby）與江美儀等，今天喺尖沙嘴出席「一生一世的承諾」慈善午宴，愛狗如命嘅宣萱現時養咗三狗兩貓同一缸魚，對於被遺棄嘅貓狗，宣萱不遺餘力去領養兼照顧直至佢哋離世，佢話：「我自己嘅做法係一隻狗離開，就領養一隻，唔會畀佢停，喺我有生之年養得幾多得幾多。我面對過9隻狗離世，每隻都傷心，但係都希望喺佢哋短暫嘅生命中畀到愛佢哋。」

宣萱愛心無限，佢透露曾經養過6隻大狗，不過照顧時間唔夠，所以最終放棄咗3隻，對於早前有藏獒咬人，宣萱話：「咬人好嚴重，自己隻狗有危險性，主人要負責任。」宣萱更表明揀男友必定唔可以討厭狗隻：「如果討厭狗嘅一定唔會開始。」

此外，Toby表示正等待緣分來臨，正考取健身教練牌嘅佢，目標是新一年可開設健身中心，問佢想搵大隻仔做男友嗎？佢笑言：「經過咁多，O依家追求開心同合拍。」




（宣萱微博圖片）

----------------------------

News from Oncc


宣萱搞分享會教人面對寵物離世
11月29日(日 14:10


宣萱專領養中年狗，希望牠們能夠安享晚年。



【on.cc東網專訊】 藝人宣萱（Jessica）出席慈善午宴，專誠到場支持及宣揚有關領養及愛護動物的訊息，她表示現時家中有3隻狗、2隻貓及一缸魚：「我想提醒養動物要有承諾，因為始終有人係唔明白承諾係好重要，寵物唔係一定要養，但要環境、時間上許可先好，所以要諗清潔。」
她又透露早前提及患上癌症的愛犬已在數月前離世：「但我會繼續領養，我嘅做法係一隻狗走，一隻狗嚟，唔係話唔掛住走咗嗰隻，每次有狗走都會好傷心，但狗仔只有10幾年命，我好彩就有90幾年命，我希望可以係自己有生之年，養得幾多隻就幾多隻，不過我以前試過同時間有6隻大狗，發現太多係唔得，自己冇咁多attention畀到佢哋，對佢哋又唔公平，所以依家就養3隻，同埋我嘅做法係領養中年狗，好多人係鍾意由bb狗養起，但我已經面對咗9隻狗離開，我係到咗可以面對佢哋係我生命裏面出現較短時間，希望畀到愛佢哋，因為佢哋得14、15歲命，希望佢哋生命行到一半，都人有人去錫去愛，有好嘅環境生活。」

教人面對寵身離世

她又謂明白許多人是面對不了動物離世，故早前亦有舉行一個分享會，以講述自己的經歷來助大家面對和克服困難。問到有否留意早前有狗咬傷人事件？她說：「其實主人係要負責任，知道自己狗仔有危險性就要小心控制，當然可能事件有其他意外情況，但都要小心啲，我自己嘅狗都試過打傷其他狗，我都即刻道歉同話負責賠醫藥費，但咬人就真係好嚴重，一定要控制住。」又謂自己不會訓練狗隻：「佢哋只係識sit，唔想訓練佢哋好似做馬戲團表演咁，啲朋友成日都話我係untrainer，我只希望佢哋開心，食飽、瞓好，有個安樂窩。（咁另一伴都唔可以憎狗？）係啊，如果討厭狗，我係唔會開始。」



宣萱已經習慣寵物的離世，更搞分享會教人點樣面對。


梁靖琪考牌想開健身室　感情事隨緣
11月29日(日 14:07


Toby（左）、宣萱


【on.cc東網專訊】 藝人梁靖琪（Toby）出席慈善午宴，專誠到場支持及宣揚有關領養和愛護動物的訊息，並謂開心遇見宣萱：「我哋成日都會講吓狗，佢係狗癡，會領養貓狗，我從佢身上學到好多有關寵物嘅知識。」

她又透露自己亦有領養4隻貓：「但有2隻已離開咗，上年走咗2隻貓，1隻狗，我真係覺得人係唔應該遺棄動物，應要愛錫動物，有時睇到新聞見人虐待啲寵物，真係好可憐，我依家仲有2隻貓，1隻狗，啱啱走咗一半，但我會繼續領養，我細個係會執啲動物返屋企，呃嗲哋係自來狗，話好運一定要養，自己湊好咗就會送畀人，我好鍾意小動物，但都唔夠宣萱咁有愛心，佢以前係TVB拍劇係會幫啲自來狗捉蝨。」

問到現時工作？她表示正在TVB拍攝古裝電視劇：「係我入行10年以嚟第一部古裝，係做打女嘅，尋晚都收4點。（唔怪得眼咁腫？）因為我尋晚喊咗足足一晚。（咁忙咪冇時間拍拖？）冇呀，等緊。（有冇追求者？）有好嘅朋友，亦好好咁認識緊，我唔會avoid，但依家真係太忙，同埋我又讀緊健身教練牌，想開gym（room），係新目標。（搵大隻仔咪啱！）順其自然啦，經過咁多嘢，我依家係追求開心，搵個好合拍嘅人。」