宣萱孖徐子珊黃敏德台上又唱又跳
11月18日(三) 01:36


【on.cc東網專訊】 由徐子珊、余安安、夏文汐、宣萱、盧巧音、麥潔文及林志美演出的「我的女神演唱會」在九展舉行頭場，眾女輪流出場表演。接著到林志美出場，唱到《偶遇》時，她邀得「音樂情人」鄭子誠做旁白。
之後到宣萱出場，而換上黑色low cut裙的子珊亦再次出場，兩人合唱《Big Big World》，兩人又在台上講到跟對方很有緣，因為子珊選美時是宣萱做評判，她更有份選子珊為冠軍，然後子珊下台。宣萱在台上講到她認為女神是很完美，不能放在自己身上，但講到男神，她自爆心目中的男神彭于晏，還把其名字解構：「彭即係肌肉「澎澎聲」，于就聯想到一把傘，男士為女士遮風擋雨，落雨時女士埋「於」澎湃肌肉到，而晏就係，其實拍拖、結婚最終都會有另一半出現，所以大家唔好覺得晏，好似我呀爸成日問我幾時結婚，問到依家佢都放棄唔問。」
之後宣萱就請出嘉賓王敏德跳唱《難兄難弟》，王敏德自爆上台前很緊張，跳完舞流哂汗的他又自嘲：「今日30度，著皮褸做乜？」場面搞笑。之後宣萱下台，王敏德邀岑日珈出場合唱。

然後到麥潔文出場，她笑言以前不知道自己是女神，做完此騷後開始有少少覺得自己是女神，又自嘲：「我係另一種女神，我呢啲有啲母性，屬於「大媽女神」。」然後她跳唱快歌medley。接著她跟余安安合唱，其中余安安穿上Deep V白西裝，露出內裡黑bra。

之後到余安安獨唱，她出場時已除下白西裝，穿上低胸黑色吊帶長裙的她十分性感！她亦透露閃閃長裙釘上萬多粒水晶。唱完《書劍恩仇錄時》，她在台上笑言因為無綫覺得她蠢，所以當時才找她做香香公主一角。接著她邀請戚美珍（三嫂）合唱《漫步人生路》，之後就輪到三嫂獨唱，臨唱前她在台上講到：「臨出門口前，三哥（老公苗僑偉）問我有冇少少淆底，我話我的確有少少淆底，佢今晚都黎左一直陪住我支持我。」之後她便唱出《夢伴+冰山大火》medley，表現有板有眼，相當犀利！

最後戚美珍請出七位女神再次出場合唱《Standby Me》，演唱會圓滿結束。

另外，騷後三哥三嫂大方合照，期間三哥跟三嫂說：「冇事冇事啦，完啦完啦。」問到覺得三嫂唱成點？他則懶謙謂：「ok啦，冇人噓咪算。」而三嫂則表現得很開心，兩人相當恩愛！



七個女神齊開騷，觀眾有眼福。



宣萱



宣萱同徐子珊合唱《Big Big World》。



宣萱王敏德跳唱《難兄難弟》。



辣㷫全場！激索子珊孖舞蹈員跳火辣Tango
11月18日(三 00:54

東網電視
http://hk.on.cc/hk/bkn/cnt/entertainment/20151118/bkn-20151118005403568-1118_00862_001.html


【on.cc東網專訊】 由藝人徐子珊、余安安、夏文汐、宣萱、盧巧音、麥潔文及林志美演出的「我的女神演唱會」在九展舉行頭場，盧巧音老公Sammy、苗僑偉、吳綺莉、譚小環、錢國偉、劉美娟及張崇德、鍾舒漫、朱紫嬈、樂易玲到場支持。
七女甫出場合唱《女人心》，其中子珊以火紅Deep V露背裙出場、夏文汐微露事業線。之後每人輪流出場，先由盧巧音打頭陣，她在台上講到唱歌十多年，發覺名氣不是最重要，最重要是活得精彩。
夏文汐邀王浩信上台合唱
接着輪到夏文汐出場唱歌，她在台上講到自己號稱「夜貓女神」，愈夜愈精神，非唱家班的她亦謂一開始擔心會搞差個演唱會，但後尾發現最緊要好玩。之後她更請出心目中的「男神」王浩信出場合唱《親密愛人》，兩人甜蜜拖手合唱。她又笑言兩人事前沒有夾過，是臨時決定邀對方上台。
子珊自嘲似男人
之後就到子珊出場，她換上單膊黑色長裙，隱約露出小蠻腰。講到女神，她在台上謂女人（性格）有一半是男人，一半是女人，而自己就偏向男仔多些，她笑言：「我除咗揸車快啲，屋企燈膽都係自己換。」又自爆一出場戴住的耳環是自己設計的首件珠寶製成品。接着她即跟男舞蹈員跳火辣Tango，兩人更有貼身動作，男舞蹈員摸子珊大髀、亦抬起她，但期間子珊似乎十分緊張，跟對方沒甚交流。
最強娛樂APP《東網巨星》，推出全新遊戲節目《巨星放題》，除咗有謝安琪同陳奕迅擔任星級主持，仲有好多星級參賽者，最新一集係連詩雅、糖妹同林奕匡，想睇糖妹賣萌，同埋連詩雅點樣多計法？快啲去《東網巨星》App收睇啦！



子珊自嘲身材BB級　唔敢同余安安撼
11月18日(三 02:03


【on.cc東網專訊】 藝人徐子珊在九展跟余安安、夏文汐等人舉行演唱會，騷後受訪時講到她在台上跳Tango，她謂為此練了兩星期舞：「有八個鐘。（每日八個鐘？）唔係呀，加埋八個鐘，我好坦白，呢個舞大概學咗50個鐘頭到，所以佢哋都按照我嘅程度排舞，但都相當有壓力，因為第一次表演跳Tango。（你好緊張？）係呀，因為我喺台下除緊條裙，但突然聽到音樂開，所以即刻跑出嚟，仲跑到氣咳。（但你同男舞蹈員零交流？）係咁樣㗎，係唔望人㗎，呢隻舞好特別。（但你哋隻腳好似打交咁？）啲腳要不斷揈，因為本身Tango係男仔同男仔跳，所以有少少係角力。」期間講得激動的子珊更幾度踩地下，場面搞笑。她亦講到跳舞受傷：「係呀，瘀晒好大撻，因為畢竟唔係學咗好耐，亦有好多高難度動作，所以係咁排舞，跳到攰咗就整親，今日都去咗睇醫生整番好先嚟表演。」

戴首件自製5、60萬珠寶上台表演

她又講到戴住的耳環是自己設計的首件珠寶製成品，問到價值多少？她謂：「估計5、60萬，睇下反應點，我都未定價錢，可能到時唔捨得賣。（幾多粒鑽？）都好多粒鑽，我冇數，揀咗啲靚顏色嘅石，又有紅寶石，我設計係for自己戴，或者賣。12月都會推出啲珠寶。」至於講到她不及余安安性感，她笑言：「唔好比較啦，佢啲身材咁好，我呢啲BB級，佢好勁，我喺後台都差啲想摸吓。（你全晚換咗好多套衫？）係咪好勤力，因為我要出幾次，冇理由得一套衫，所以就勤力少少跑多幾轉。」

同無綫傾緊合約
至於講到無綫製作資源部總監樂易玲捧場，對此子珊表示：「係呀，好多謝樂小姐，佢秘書本身同我講淨係坐一陣，但之後佢都睇咗全場，好多謝佢咁支持。（好感動？）當然！我哋Keep住關係好好，繼續傾緊合約嘅野。（傾成點？）有新進展話你哋知。」