【女版Bob來港拍劇】渡邊直美追完吳啟華 MK放死光


日本重磅女星渡邊直美天生豐富嘅喜劇細胞，由於佢形象搞笑又得人鍾意，加上頗有觀眾緣，喺東洋電視界都不知幾受歡迎，近年仲成肥妹品牌PUNYUS嘅代言人，據知品牌靠渡邊直美今年生意增長達200%。

渡邊直美外型似足女版阿Bob（林盛斌），年前曾經獲大台邀請拍劇，而佢日前重臨香港搵食，為《壹號皇庭》金牌監製鄧特希新劇《隱世者們》演出，拍住吳啟華、陶大宇、宣萱同埋蘇永康齊齊鬥戲。

200幾磅嘅渡邊直美日前同啟華喺尖沙嘴拍完追逐場面後，渡邊直美就喺Instagram透露行蹤，現身旺角鬧市自拍放死光短片。話咁快佢已結束三日香港之行，今日佢喺日本搞生日P，同圈中好友補祝28歲生日，渡邊直美獲贈有佢同埋美少女戰士公仔嘅蛋糕。