【忽然1周】與意籍男友打得火熱 45歲宣萱學整餅等嫁

下個月就45歲嘅宣萱(Jessica)，近年都養尊處優，加上與意籍男友Fran拍拖，令Jessica嘅工作更加貴精不貴多。Jessica近日報讀烹調課程，學整muffins(鬆餅)，佢仲話：「easy 到暈。我做到就任何人都做到。」睇佢嘅製成品，又似模似樣，仲似幾好食。

除咗學整muffins，宣萱都有花時間喺新成員，即係佢一向都愛嘅狗狗身上，Jessica一向只會收留無家可歸嘅狗，之前佢出席SAA(保護遺棄動物協會)活動時，同一隻兩歲嘅狗囡阿Moon好有緣，所以近日就收留阿Moon。

Jessica雖然已經有一段日子無拍香港劇集，但佢嘅生活都好寫意，真係似待嫁一樣。


宣萱近日上堂學整muffins，製成品都似模似樣。

穿上圍裙嘅宣萱，都有幾分「太太」feel。

宣萱家中新成員，兩歲嘅狗囡阿Moon。

宣萱早前上陶大宇的飲食節目，狀態唔錯。