宣萱愛犬患肝癌　推遲旅遊大計
01月18日(日) 20:19

【on.cc東網專訊】 藝人宣萱（Jessica）出席音樂劇首演活動，特地前來支持好友羅敏莊（Mimi）的演出！她還透露家裏十一歲的愛犬不幸患上肝癌：「啱啱發現佢患病，亦係我第一次接觸寵物呢個病，所以我都有做資料搜集，睇吓點樣可以令佢舒服啲，依家就畀靈芝佢食，係屋企有六星級服侍，抱上抱落，因為佢都開咗刀抽組織化驗，醫生都有畀我睇佢個咁細嘅肝竟然有好多瘤。」

她續表示將留港照顧愛犬，把計劃了半年的旅行計劃押後：「原本同成班朋友去滑雪架，連resort都book好晒架啦，不過依家去唔到同唔會去啦，睇吓朋友搵唔搵到其他腳去，唔得就改機票延期。」她又自責說：「自己好內疚，前排佢有痾同嘔，我本身以為狗仔咁樣好正常，但原來佢係畀咗signal我，依家我最着重係佢嘅生活質素。」至於工作方面，她表示：「暫時休息吓先，因為狗對我嚟講好重要，以前試過狗仔有病，我飛咗去新加坡做嘢，佢第二日就走咗啦，唔想令自己後悔。」


宣萱的愛犬患上肝癌，透露餵靈芝畀佢食。


宣萱特地來支持好友羅敏莊。

http://hk.on.cc/hk/bkn/cnt/entertainment/20150118/bkn-20150118201939941-0118_00862_001.html


羅敏莊演音樂劇壓力大搞到狂谷瘡
01月18日(日 20:19


【on.cc東網專訊】 藝人羅敏莊（Mimi）身穿華麗宮廷服出席音樂劇首演活動。她表示已於昨晚為慈善機構預演了一場：「今日冇咁緊張啦，今次音樂劇有好大陣容，上台表演嘅超過二十人，仲有成隊管弦樂團，台前幕後人員超過150人。」她續透露將在音樂劇中擔任「八妹仔」角色：「我真係講嘢多過唱歌，不過尋日一路做就一路幻自己喺百老匯做緊騷，（會有幾多場？）會做九場，（老公撐足場數？）老公就未必啦，因為湊女重任交咗畀佢，佢係司機要管接送，同埋冇佢幫手睇住同照顧個女，我都好難維持到自己鍾意做音樂劇呢個嗜好，所以好多謝佢。」
至於音樂劇嘉賓，她表示分別邀請多位星級嘉賓：「我請咗宣萱、曹永廉、黃智賢、伍姑娘同江美儀，不過伍姑娘同江美儀就唔會今日嚟啦，但之後都會嚟支持我。」她又謂早前綵排時壓力爆煲：「因為成個劇本三分之二都係我講晒，所以之前瞓瞓吓都會醒同起身對台詞，又爆暗瘡，經期又唔準，好在有老公幫我對對白同幫我Drop低啲要注意嘅意項，畀意見我咋，（幾時同老公一齊合作演出？）冇人湊女係一個最大嘅問題，同埋我鍾意音樂劇，要有唱歌部分，而佢就係做純Drama。」



宣萱到場撐好友。


宣萱（左起）、黃智賢、陳國邦、曹永廉

http://hk.on.cc/hk/bkn/cnt/entertainment/20150118/bkn-20150118201915781-0118_00862_001.html