【有新歡？】宣萱與內地商人撐枱腳
食足7粒鐘




宣萱入行21年，經歷過4段戀情。（資料圖片）(資料圖片

現年43歲的宣萱，入行逾20年，佢嘅感情生活雖多姿多采，但一直未能開花結果。

入行多年，宣萱公開承認四段情，惜全部係分手告終。好似喺93年，宣萱同張衛健撻著，兩個一直地下情，可惜只係維持咗兩年就玩完。

直到96年，朋友介紹佢認識中信泰富主席榮智健嘅堂姪榮文瀚，當時佢哋大方公開戀情，甚至傳出婚訊，惜拍拖六年因為聚少離多分手。

到2003年，宣萱同家底唔錯嘅牙醫陳建緯拍拖，當時雙方見晒家長，宣萱仲話會為愛情犧牲事業，可惜佢哋拍咗兩年拖，都係散咗。

去到09年，宣萱就同細佢四年嘅外籍獸醫Ruan Bester，兩個亦去到談婚論嫁階段，但最後都係要分手。

宣萱情場上屢敗屢戰，今日就有報道就話，宣萱冇放棄過愛情，報道指佢同一名內地商人過從甚密。上月底，宣萱及呢位年約五十歲的男子，去到銅鑼灣撐枱腳。

當日下午4點左右，內地商人先去到餐廳，過咗半個鐘之後宣萱打扮得靚靚到埗，兩人坐喺一間房內，仲拉埋簾吩咐餐廳侍應唔好入去。

據報道所講，當日佢哋食足七小時，由下晝4點，坐到夜晚11點餐廳關門先肯走，足足霸住張枱7個鐘！而該男子氹得宣萱幾開心，不時聽到佢哋細聲講大聲笑。

近年宣萱喺內地搵唔少，有報道話去年9月，就花咗1320萬，買咗清水灣一個1500呎單位。




宣萱近年轉戰內地市場發展。（資料圖片）



到底嗰位內地商人，會唔會係宣萱嘅未來老公呢？(資料圖片


宣萱曾與張衛健拍拖。（資料圖片）


當年同榮文瀚大方公開戀情。(資料圖片


同陳建緯拍拖，當時雙方見晒家長。(資料圖片


外籍獸醫Ruan　Bester，都去到談婚論嫁嘅地步。(資料圖片