.

 
Jessica in 2012
 
LATEST INFO of JESSICA
**Hong Kong TVB drama《使徒行者2 Line Walker : The Prelude》 featuring Michael Miu, Moses Chan, Benz Hui, will be broadcast on May 1 @ 9:30pm.Monday through Sunday *EVERYDAY* *B-net  

 

 
OFFENSIVE/INAPPROPRIATE STATEMENTS, MESSAGES CONCERNING BT or
DOWNLOADING A WHOLE SERIES WILL BE DELETED IMMEDIATELY.
Please post your message either in English or Chinese only.

.
Start a New Topic 
Author
Comment
Sudden #964

娛樂喧
雯女宣萱爭港視一姐 無綫靠超儀強姦戲反擊



港視開台在即,但隨着張可頤與港視約滿,「港視一姐」地位懸空。由於阿佘、胡杏兒、楊怡留守無綫,港視只好向自由身的宣萱及鄧萃雯埋手。

一直與港視傾合作的宣萱,之前因不欲屈居宿敵張可頤之下,以致拉鋸一年仍未成事,最近雙方已秘密斟掂,只欠動筆。另一方面,鄧萃雯本來吊高來賣,不過,當她得悉宣萱有所動作,即主動要求港視提供劇本給她,隨時搶先簽約。

港視搵上位花旦做台柱,無綫也急急找外援方力申及黃秋生助陣,更度身訂造劇本俾賭王千金何超儀。劇中何超儀飾演單身母親,身世坎坷,更有場意識大膽的強姦戲,繼續重口味。


宣萱與張可頤多年前拍罷《難兄難弟》之後交惡,此後兩人明爭暗鬥多年。直至 2012年,港視找宣萱傾過檔時,宣萱亦睇住宿敵來開條件,要求比「一姐」張可頤更高。當時港視未知幾時開台,宣萱又企硬,合作一直未能成事。
「依家 Maggie(張可頤)冇續約,港視都心急搵女主角,而 Jessica(宣萱)休息咗成年,都心郁郁想復出,雙方已傾到七七八八,差少少細節。其實港視都滿意 Maggie,但佢受甲狀腺炎影響成日水腫,港視都擔心佢狀態唔穩定,所以拍完《客家女人》後,雙方未有合作計劃。」知情者說。


雯女主動睇劇本

97年拍《難兄難弟》,宣萱因出言指責張可頤遲大到,令兩人不和浮面。後來續集《神探李奇》由原班人馬演出,但宣萱的角色就由吳綺莉取代。

少了張可頤,港視亦有向與無綫交惡的鄧萃雯招手。鄧萃雯最初對港視多多要求,台前幕後班底都要過問,搞到港視都驚咗。「不過雯女收到風話宣萱同港視傾到埋欄,態度即刻軟化,仲主動要求港視嗱嗱聲俾劇本佢睇,擺明想搶宣萱頭啖湯。皆因港視搵到鎮台花旦,相對佢就冇咁馨香。」據知,鄧萃雯手上有兩個劇本,一個是商戰劇,另一個是愛情劇,拍檔好大機會是陳錦鴻。
雯女經理人表示:「雯女係睇緊港視俾佢嘅兩個劇本,不過佢唔喺香港,未知佢諗成點。」
就力邀宣萱加盟,本刊向港視發言人鄭小姐求證,她說:「好多藝人都有接觸過,宣萱係有實力嘅演員,我哋當然有興趣。」

至於宣萱就直認傾過劇本:「係有傾過,有導演同我傾過劇本,題材類似《 Sex& the City》,近期都有去探班,絕對有興趣同港視合作!」


角色誘超儀
黃秋生重投無綫,並會和黎芷珊合作主持清談節目。

港視發力,無綫亦急到電影圈搵外援。據知樂易玲親自邀請何超儀拍新劇,定名《再戰明天》,由她夥拍吳啟華做男女主角,更講到明為她度身訂造角色。「無綫睇準超儀唔計較錢,戲最緊要搶,力說佢新劇有多場內心戲。何超儀演的跛手失婚婦人,為了養兒子,執紙皮維生外仲要坐監,監製再加多兩場強姦戲同受虐戲俾佢發揮。超儀一聽即刻好有興趣,好快就應承。」
除了何超儀外,樂易玲亦搵了未拍過電視劇的謝婷婷,拍一部大律師( barrister)新劇,劇名暫定為《四個女人三個 bar》,更有意找林峯或鄭嘉穎做男主角。至於曾志偉亦為 TVB請到黃秋生,拍住黎芷珊主持節目,借秋生人面,邀請更多星級嘉賓受訪。
本刊致電何超儀的發言人魏先生,他承認超儀是被角色吸引:「價錢唔方便透露,個角色係好特別。(特登加多兩場好激嘅強姦戲俾超儀?)佢接呢套劇,都係因為好有挑戰性。」兩台惡鬥,令多年一池死水的電視圈重拾朝氣,都是觀眾之福。
無綫外援組

超儀最搏

超儀為演出,向來唔介意搏盡。 03年她在《豪情》飾演妓女「趙啷啷」(圖)。 10年拍《維多利亞壹號》又飾演殺人狂,拍《再戰明天》被姦亦冇難度。

婷婷扮律師

謝婷婷只是拍過四部電影,當中在王晶執導的《絕色武器》(圖),不乏動作場面。唔知在無綫新劇《四個女人三個 bar》做大律師,佢又掂唔掂?

小方𢱑撈

近年方力申主攻內地和周秀娜拍過《唐朝浪漫英雄》(圖),不過反應未如理想。四個月前,方力申主動搵無綫,近日落實會為無綫拍劇。
四花旦留守無綫

香港電視急於搵一線花旦入台坐鎮,皆因市場上選擇不多,有身價的花旦多有合約在身,未能跳槽。加上與港視合作開的張可頤因水腫令狀態反覆,造就自由身的宣萱及鄧萃雯爭做港視一姐。

佘詩曼強勢回歸
雖然在 2011年北上發展,兩年內賺了數千萬,但去年尾以五千萬簽 TVBC(翡翠東方),賣身兩年返無綫。

胡杏兒下年才約滿
早在 2011年香港電視曾派人找胡杏兒傾過檔,但她與無綫的合約於 2015年尾才屆滿,過檔言之尚早。

楊怡突然轉軚
去年開始工作不多,只有電視劇《 On Call36小時 II》。有指因她有意在今年初離開 TVB而被雪藏,但隨着經理人嘉莉近日決定留低,楊怡也留守無綫。

蔡少芬兼戰商界
港視雖然好想搵蔡少芬合作,無奈 Ada與無綫仍有兩年部頭合約。去年尾她演戲之外亦轉戰商界搞童裝,而且在三個月內已開第二間分店,無暇分身過檔。

撰文:娛樂組 
攝影:攝影組


Sina (Mircoblog) : CLICK HERE
News collection website: http://www.suenhuen.com/
For Jessica WEBSITES, goto: The Strongest Links
OFFENSIVE/INAPPROPRIATE STATEMENTS, MESSAGES CONCERNING BT or
DOWNLOADING A WHOLE SERIES WILL BE DELETED IMMEDIATELY.
Please post your message either in English or Chinese only.