May姐開飯唔睇電視



不少演藝界人士昨晚7-11都響應熄電視行動，港視藝人關伊彤一家三口昨晚先到中環政總探班，然後再會合家人打邊爐，她說：「一陣食完嘢，返去都唔會睇電視，我會同囡囡玩，𠱁佢瞓。」替無綫打工的May姐馮美基暫遠是非地，昨晚7時許於微博放上與友人在大馬食娘惹菜相片，是巧合還是暗撐熄電視？


宣萱：不看電視

港視包薪藝人劉玉翠表示會留在家中看書，姜文杰和姜麗文則相約家人吃飯，曾拍過港視劇的林文龍、劉美君、楊淇、王宗堯先後表態支持。港視藝人朱婉儀昨晚都選擇外出晚飯代替電視撈飯，她說：「我同朋友去商場行街食飯。」與無綫反目的陳鍵鋒和梁思浩都撐熄電視，已離開無綫的宣萱昨兩度在微博留言﹕「今天不看電視！」蔡少芬、黃日華均轉發及留加油貼圖。連被指「維穩」的曾志偉兒子曾國祥亦寫着：「請把它關掉……」還有歌手洪卓立、盧凱彤、Mr.成員布志綸及填詞人周耀輝等，紛紛轉載熄電視圖片。不過無綫藝人周奕瑋則唱反調，呼籲大家收看由他和林欣彤主持的《廠出新天地》。

採訪：林妃

-----------------

【熄電視日】藝人齊響應
貼熄電視照


依家好多網民就響應今日「熄電視日」，夜晚7點到11點唔開電視，抗議政府對發免費電視牌照黑箱作業，除咗港視中人，亦有唔少圈中人響應，好似樂隊Mr.主音Alan就貼咗部熄咗嘅電視，寫住:「Today or everyday?」

已經轉返內地發展嘅唐文龍都有留意呢件事，佢喺微博仲呼籲大家聯署: 「請還我們基本知情權利，香港政府歷年以來，維持到世上其中最公平公義，公正，公開良好框架最後防線的東方好城市，在青年期，在每一個決定，都會影響深遠...打好基本基礎好重要...你今天前往這網址查看，簽了沒有？你今日簽咗petition字？公開真相-全民簽名大行動。」

喺今次電視戰入面，可以話係大贏家，簽咗兩間電視台都有牌嘅梁思浩都撐喎，佢話:「今天決定熄電視，支持電視業界百花齊放。」

而港視藝員菁瑋就話: 「就算餸飯，我都要有高質素电视節目！電視機，你放假了。」另外，王宗堯亦說: 「唔睇電視，我搞創意。真心覺得強權比吸煙更致命」而宣萱呼籲大家7-11點唔好睇電視，蔡少芬都舉手和應。而TVB嘅May姐(馮美基)，似乎都冇睇電視喎!佢同一班朋友去食飯，周圍都唔見有電視，唔通都暗地裡撐呢個活動?


宣萱呼籲唔好睇電視，蔡少芬都和應。