視帝換「加監」 兩頭瞞抬身價 陳豪玩死TVB
2013年10月19日

　　王維基的「香港電視網絡」不獲發牌，驚青了3年半的TVB終於鬆番啖氣，可以繼續閉門造車！據知，TVB決定今年台慶頒獎禮加入專業評審去阻礙張智霖同吳鎮宇視帝，因為早已預了將視帝拿來跟陳豪「加監」作交換條件，雖然已打算自組公司賺到盡的準老竇還未動筆，但早已拿走新約，估計拖到台慶後，視帝袋袋平安才再作打算！讀會計出身的陳豪果然數口精！而TVB藝員科高層樂易玲亦證實已同阿Mo傾續約，「老闆李寶安更親自同佢見面，原則上已達成協議！」對外強調賣身價高者得，對內稱續約無問題，奉勸陳豪，自抬身價也要適可而止，玩死TVB之餘亦玩死自己。採訪：方騫平

　　今年視帝大熱人選除全城熱爆劇《衝上雲霄II》的張智霖和吳鎮宇外，由陳豪與黎耀祥主演的台慶劇《法外風雲》亦屬大熱，距離12月16日舉行的《萬千星輝頒獎典禮》還有兩個多月，一向「隨心意」的TVB臨時又話有新玩法，唔再如去年般「一人一票」公投選視帝、視后，而係將視帝、視后、最佳劇集3個重要獎項，加入專業「評審制度」，造馬俾準爸爸陳豪雙喜臨門，再嚐視帝滋味。日前見慣大場面的黎耀祥被記者追問會否跟陳豪爭視帝時？祥仔就語帶相關，笑住回應：「無得爭，阿仔又旺，佢雙喜臨門！」

　　推三推四拒簽約

　　「阿Mo跟TVB應該係明年初約滿，其實陳豪扭扭擰擰，早已見埋高層李寶安，由Mark Lee親自開出條件，誠意留人，當時陳豪仲握晒手答應加監，TVB第一時間送賣身契，陳豪亦拎鰦份約返屋企，但多月來都未交還，一時話工作忙，一時又話陪老婆，唔鰠香港，仲未得閒同律師詳談喎，總之推三推四；另一邊廂，又同出面放風，話仲未諗去向，踏入4字頭當然價高者得，一於拖字訣，拖到過埋台慶拎埋個視帝獎先，再決定係咪飛甩TVB，TVB當然好嬲，因為佢一日未簽約，一日都會有變數！如果到最後真係咁樣畀佢過橋抽板，Mark Lee表明就算唔追究，都會永不錄用！」知情者爆料。

　　送車引外援現身

　　記者就陳豪的續約進展向樂易玲了解，她說：「其實早已接觸，早前阿Mo跟李寶安已見過面，大家傾得七七八八，原則上已達成協議，續約應該無問題。（但為何還傳陳豪有離意？又話佢未定去向呢？）咁真係唔清楚喇，（續約係換獎條件？）唔會啦，一早傾好，唔係近期鮋事！」 另外，由於陳法拉、謝天華已離巢，傳聞有離心的楊䒷、林㗖及吳卓羲統統唔會做主打。而11月19日的《萬千星輝賀台慶》還會以抽靚車去吸引有知名度的外援回歸助陣，如黃秋生、林保怡及宣萱等都被招手，但闊太黎姿同李嘉欣卻不受利誘，對邀請不為所動。