媽咪姐
宣萱剩女與狗
2012年07月13日


難得溫柔
狗狗通常都好驚睇獸醫，等候期間宣萱不停安撫佢隻寶貝狗，盡顯柔情一面。


新劇《飛虎》原本俾 TVB當炮灰，誰知收視愈升愈有，諗住拍埋呢套就停吓 嘅女主角宣萱都話估唔到！講開又講，佢今次做 Madam非常 cool，查案搏老命，冇拖拍 dry爆，同現實中 嘅佢真係有幾分相似。自從上年同老外獸醫分手，宣萱就同收養番嚟嘅流浪狗相依為命，日前媽咪姐就見到佢帶兩隻心肝寶貝去睇醫生。

冇 咗御用獸醫，呢位愛心 Madam由港島半山屋企揸車去旺角診所，雖然有賓賓同行，但佢唔會假手於人。等睇醫生期間見佢好有耐性去安撫狗狗，又摸又錫，之後仲同獸醫傾 咗好耐。記得早前歐陽震華話宣萱係全 TVB最惡死女藝員，對男人起晒槓，對狗就千依百順。唉，聽媽咪姐講啦，將你對狗嘅一半溫柔去對待異性。男人，其實都係簡單而可愛嘅動物嚟㗎！


冇拍劇一排，宣萱日日留家養精蓄銳，真係發福唔少，背肌厚晒腰粗晒！


因為有一隻狗執番嚟已經有病，要長期食藥，所以宣萱非常 着緊，臨走都同獸醫、護士傾唔停。


我其實外剛內柔㗎！（設計對白）

------------------------

媽咪姐追《飛虎》，除咗想睇好耐無見嘅宣萱同馬德鐘外，黃智雯同羅仲謙呢對歡喜寃家都幾搶眼！其實做完「關二嫂」之後，黃智雯已經上位，不過佢仲係好親民，冇話未紅先驕。