.









LATEST INFO of JESSICA
**Hong Kong
ViuTV原創劇《極度俏郎君》 featuring 宣萱、姜皓文、張慧儀以及ERROR四子 broadcast on April 17, 2023 @ 9:30pm. Monday through Friday *EVERYDAY* *B-net  



OFFENSIVE/INAPPROPRIATE STATEMENTS, MESSAGES CONCERNING BT or
DOWNLOADING A WHOLE SERIES WILL BE DELETED IMMEDIATELY.
Please post your message either in English or Chinese only.


.
Start a New Topic 
Author
Comment
View Entire Thread
Sudden #883

滾熱辣
《飛虎》足本劇情曝光 馬德鐘背妻偷嗒宣萱
2012年07月06日


要死一齊死!
我唔可以俾你有事!
宣萱被賊人伏擊,馬德鐘竟捨身為對方擋了一槍,重傷表白。

好想拍續集!(真實對白)

馬德鐘與「空姐女友」苟芸慧拍拖幾年已達結婚階段,但各自各偷食。

馬德鐘和宣萱變節離巢,令新劇《飛虎》被迫在周日晚上十點的炮灰檔播出。但以電影手法拍攝的《飛虎》,憑緊湊劇情及一班嫩口當紮小生如羅仲謙、王浩信集集爆肌,睇到師奶、 OL個個血脈沸騰。出街兩集,最高收視已錄得 30點,更成過去兩周最高收視劇集。一吐污氣的馬德鐘,風騷出錢搞慶功,明落 TVB面。
本刊率先爆《飛虎》未來 11集的火爆情節,其中飾演鐵面教官的馬德鐘,竟背着未婚妻苟芸慧偷嗒宣萱,而宣萱在追匪徒時撼爆頭險死,至於爆肌二人組的王浩信和羅仲謙,一個在劇中打現實老婆陳自瑤,一個飛車墮地受重傷,集集高潮再加當紮小生花旦做奸角點綴,《飛虎》極有可能在炮灰檔殺出血路。

第 3集


馬德鐘宣萱生情愫


一直有個空姐未婚妻苟芸慧(丁慧慧)的馬德鐘(展 Sir),因工作遇上能幹的宣萱(莊卓樺),漸生情愫。其間馬德鐘在一次任務中,為救宣萱而中槍,康復後開始背妻約會宣萱,兩人更多次相約到水塘釣魚偷歡。
第 4集
梁烈唯勾義嫂

其實梁烈唯(莊卓源)比馬德鐘更早認識苟芸慧,但兩人並未發展。及至馬與苟感情有問題,梁便乘虛而入,第 4集更講到馬德鐘發現二人曖昧短訊,東窗事發兄弟反目。飛虎同伴不值梁勾義嫂所為,於是圍毆他。



第二集中,梁烈唯已表現出對苟芸慧生螆貓入眼,他更不時情深款款望實女方,但當時苟仍是馬德鐘女友。


慧慧個短訊 send俾邊個?你咁叫做兄弟呀!

縱使與宣萱發展地下情,但當馬德鐘發現梁烈唯與苟芸慧互 send的曖昧短訊,即向「好兄弟」大興問罪,但梁死撐冇做。


我同慧慧真係冇嘢㗎!


勾義嫂你都做得出?點對得住大佬!
袁偉豪(郭家星)帶頭揮拳重擊梁烈唯,但他自知有錯,不敢還手。


第 6集

宣萱爆頭險死

飾演 O記督察的宣萱,被不少歹徒視為眼中釘。第 6集講「甘草王」李成昌(林石勇)原本係警察,但遭宣萱投訴而被「燉冬菇」。李潛入警察部槍房偷槍脅持宣萱,更狼死到將宣萱個頭猛撼落玻璃,再用鐵釘木棍毆打她,畫面極盡 SM feel。


夠膽你就開槍!睇你幾冇用!連仇人都唔敢殺。


宣萱趁機反抗,兩人於單位內糾纏。


八婆,我預咗同你攬住一齊死!
李成昌出盡力狂撼宣萱個頭,搞到宣萱 𠵱嘩鬼叫,好彩最後得馬德鐘營救先脫險。


估唔到我揸槍咁型!(真實對白)

第 12集
王浩信打老婆


宣萱一直的心結,是要親手拉炸死其未婚夫黃子雄(邦)的匪徒,到第 12集,匪徒終現身,竟然是扮演自閉圖書館管理員的陳自瑤(程婉婷)。而現實中老公王浩信(邱駿軒),卻在這場戲親自生擒老婆。


我冇人冇物,同你攬住一齊死!
「自閉女」陳自瑤其實是炸彈專家,原本扮可憐瞞天過海,被宣萱拆穿她是殺自己未婚夫的身份後,即手持爆破器與宣同歸於盡。


在爆炸前兩分鐘,馬德鐘帶隊征服陳,當日拍攝此段戲時,導演忽然興起,安排由蒙頭的飛虎隊員王浩信凌空箍腰的起陳自瑤,更摑了她一巴,呢段戲仲搞到王事後俾老婆省了一餐。


拍呢場戲唔覺意大力咗,搞到 YoYo條腰瘀到一撻撻,返屋企要同佢 say sorry跪榴槤㗎!(真實對白)


《飛虎》在去年開拍時,已被 TVB視為今年的重頭劇,在「節目巡禮」中,更是重點推介。可惜因劇中主角馬德鐘及宣萱一併離巢,令劇集無限期掟入雪櫃,有傳馬德鐘老婆張筱蘭親自向 TVB相熟高層求情,《飛虎》才得以重見天日,但卻遭安排在周日炮灰檔播出。


馬德鐘: 40點剝衫

好彩《飛虎》爭氣,兩集收視均是全周收視之冠。身在上海開工的馬德鐘說:「初時個個都話炮灰檔期,唔擔心就假,不過依家有好成績,有吐氣揚眉感覺,證明人哋睇死唔緊要,最緊要成 team人努力冇白費。仲有兩星期左右我就返香港『歸』隊,宣傳做得一次得一次,如果收視 40點,咪約埋班兄弟一齊唔着衫跑街囉!」

第 4集
羅仲謙飛車重傷

羅仲謙目擊父親羅樂林被冼灝英綁上車,飛車頂截停賊匪。其間飛出馬路身受重傷。


拍呢場戲我隻手同膊頭真係受咗傷!(真實對白)

好吖,咁你今日仲係飛虎,你同我落去洗晒啲車,我唔要見到一粒塵!
我依家唔撈,我睇你唔順眼!
羅仲謙不忿被馬德鐘要求放大假,一怒之下劈炮唔撈。


在劇中飾演自視過高,經常「獨食」的羅仲謙(俞學禮),在一次追賊中未有得到上司准許,擅自跳上吉甫車截停賊人,結果失足跌落地受重傷。阿頭馬德鐘在其康復返工第一日,冇慰問他之餘更當眾抦他不守紀律。二人在差館吵大鑊,羅仲謙劈炮唔撈。


第 13集
馬明越獄復仇

馬國明逃獄,第一個就對付梁烈唯,他單人匹馬殺入警署,與梁烈唯埋身巷戰,最後更打到梁瞓地吐血。

我身為飛虎,有責任拉你!
今日唔係你死就我亡!


首集馬國明(杜天宇)與老婆賈曉晨(姚美玲)飾演的賊公賊婆叫座力十足,但最後仍被捕。第 13集大結局,轉扮污點證人的賈曉晨,將劫獄救老公,齊齊向飛虎等人上演一輪復仇大戰。



又拍電影又拍續集

由於《飛虎》收得,據知 TVB打算短時間內開拍續集,更有人提議拍《飛虎》電影版,在農曆新年檔期上映,以取代柴娃娃群星戲。不過向來肥水不流別人田的 TVB,會在續集和電影中,棄用叛將馬德鐘和宣萱,改用親生仔女。對此,馬德鐘說:「如果《飛虎》反應好拍續集,我願意返嚟。我同宣萱一樣都係飲水思源嘅人,有需要幫手一定會返嚟。」
已離巢的宣萱亦表示如開續集,她一定回巢拍。「無綫始終係我娘家,續集點可以唔預我,加上我發現自己第一次揸槍原來都幾型,希望殺出一條血路。」至於監製林志華則坦言:「我都好想拍電影,題材講新一代飛虎,我覺得原班人馬拍絕對夠號召力。」

馬德鐘和宣萱異口同聲賣晒口乖,正值花旦小生荒的 TVB又係用人之時,不妨大方少少,一家便宜兩家着咪皆大歡喜囉!


當紮串星

《飛虎》除了首兩集的馬國明和黃德斌外,未來數集都會出現多位花旦或小生作為反派串星,令劇情更有張力。



第 6集敖嘉年

有「力王」之稱的敖嘉年(陳力恆)是果欄太子爺,他得悉女友蔣家旻被艾威(劉秉駒)強姦後受辱自殺,向艾施酷刑報復。

第 9集唐詩詠

唐詩詠(裴芷琪)是一名心理學家,她沉迷改槍,不時引誘他人作真人活靶讓她得到快感。她更成功控制宣萱(莊卓樺)心智,引誘馬德鐘(展潮韜)讓她作真人活靶。

第 11集郭政鴻

身為圍村惡少的郭政鴻(丁有田),不甘被宣萱打擊其外圍集團而教唆輕度弱智的林子善(鄧福齊)槍殺宣萱。

網友有話兒

原本是 TVB重頭劇的《飛虎》調到炮灰檔期播映實在罕見,劇集播了兩集,挾着最高收視達 30點的成績算是不俗。而向來投訴多多的一班網友亦對劇集評價好壞參半,都算公道。
















撰文:娛樂組
攝影:攝影組






--------------------------------------------------------

Sudden #883










Sina (Mircoblog) : CLICK HERE
News collection website: http://www.suenhuen.com/
For Jessica WEBSITES, goto: The Strongest Links
OFFENSIVE/INAPPROPRIATE STATEMENTS, MESSAGES CONCERNING BT or
DOWNLOADING A WHOLE SERIES WILL BE DELETED IMMEDIATELY.
Please post your message either in English or Chinese only.