林曉培發酒癲虐狗BB

5年前因醉駕撞死人的台灣歌手林曉培又發酒癲！她被爆日前在居酒屋借醉虐犬，搞到3個月大狗仔肺積水又吐血絲，縱使她昨日急發聲明道歉自保，但仍遭圈中人圍插，當中黃貫中聲言對她死心！

圈中人震怒

黃貫中向來是愛狗之一，絕不容忍虐畜事件！

宣萱：希望唔係真

「聽到呢單新聞，我覺得真係好唔開心囉！因為我一直都好怕聽到有關虐畜嘅新聞，希望今次唔係真啦！」

陳淑蘭：唔可以饒恕

「我唔理佢係林曉培、係邊個都好，令人憤怒！狗都係生命，咁做同傷害咗人一樣唔可以饒恕！我覺得呢個係謀殺，林曉培係傷害者，要負責任！」

郭秀雲：唔尊重生命

擔任香港愛護動物協會青少年動物援救隊大使的郭秀雲說：「虐畜當然過分！人同動物都有喜怒哀樂！呢類人唔重視人道、唔尊重生命！唔可以原諒，應受到應得嘅懲罰！」

吳日言：點解唔反省

「飲醉酒都唔可以當生命係玩具，佢實在太過分！佢都唔係第一次犯錯，上次佢因為醉駕而車死人，點解佢仲唔好好反省再犯錯呢？最傷心係佢啲粉絲！」


宣萱