有話兒：胡定欣狙擊女主角
2011年11月06日

再冧莊成為「台慶月之星」的胡定欣，主演的劇集《法證先鋒 III》和《萬凰之王》被安排在台慶月播出，她在《法證 III》中飾演大律師 Eva，當中一場法庭戲的表現備受讚賞。

嘗試玩手段

胡定欣說：「我冇諗過會有咁大迴響，真係好開心，終於擁有一個觀眾會追看嘅角色，將我帶去另一個階段。今次係我首次做律師、太太同媽咪，初初接劇本時都有啲擔心，我諗個造型幫咗我好多，觀眾喺電視上都未見過我咁長頭髮，會畀到觀眾唔同嘅感覺。我唔介意做媽媽同太太嘅角色，最緊要劇本同感情上有呢個需要。」她笑言連父母都打電話給她，指她對劇中的囡囡和老爺太狠心；然後她又談到在《萬凰之王》飾演彩藍一角，她笑說：「今次都係我第一次拍清裝，我之前好驚拍啲勾心鬥角嘅女人戲，我諗拍嘅過程會幾慘，點知拍完又覺得好過癮，我、杏兒同宣萱喺戲入面要各師各法去玩手段，奪取各自想要嘅嘢，我睇完劇本都覺得好心噏。」




胡定欣參演台慶劇《萬凰之王》與胡杏兒、宣萱在劇中鬥耍手段，被她視為挑戰。劇照



----------------------------------------------------------------------------------------------------------


News from Oriental


杏兒奸出汁 自信封后

雖說後宮波譎雲詭，電視台何嘗不是爭強好勝的戰場？當年僅得19歲的胡杏兒，獲選為港姐季軍後幾經跌宕，經過逾十年努力，今天已躍升當家花旦，更憑《怒火街頭》及《萬凰之王》中奸到出汁的王后成為視后大熱門，天時地利兼備，難怪杏兒揚言有「一百分」信心封后！

首次挑戰宮廷戲《萬凰之王》的杏兒，飾演機關算盡的王后，眉梢眼角可謂奸到出汁，但她卻謙說尚未夠火候：「我覺得自己可以再奸啲，但唔想太過表面，因為個角色雖然衰衰格格，但其實都有善良一面，好真實！」

宣萱鬧交冇得頂

再度與前輩宣萱合作，杏兒已由《流金歲月》的弱智妹蛻變成統領後宮的火鳳凰，她說：「今次好多對手戲，過足戲癮。（宣萱多是非？）佢係有原則同要求，好多好難嘅對白都講到，連鬧交戲都一take過。（升咗呢？）係，今次對住佢谷到盡o架！」

正如一輛踩行油的跑車，杏兒今年誓在台慶跑道上首名衝線，她說：「依家套劇開始播就有壓力，不過攞呢個『終極獎』係講天時地利人和，今年好幸運，天時同地利都配合到，亦希望唔會令公司失望。（信心？）點都要話100分！（親生女着數啲？）希望個獎係因為觀眾鍾意而攞，咁樣意義更大，所以都擔心因為套劇遲播而有影響。」

至於誰是跑道上的攔路虎？杏兒深知對手眾多，同劇的宣萱、《潛行狙擊》的陳法拉及《法證先鋒III》的張可頤均是民心與實力兼備。談到視帝心水，杏兒顯得左右為難，拍檔鄭嘉穎與「男友」黃宗澤可謂魚與熊掌：「鄭嘉穎做得脫胎換骨。（黃宗澤呢？）好多人撐佢，咁我都撐！總之兩個都撐啦！」

攝：沈健程

髮型：Billy@Hair Culture

化妝：Phoebe Yung

文：影視組




杏兒（右）與宣萱合作過足戲癮