同你吟一吟
馬德鐘企硬要 CHOK
2011年03月24日


無 綫新劇《飛虎》上個禮拜六（三月十九日）， 响將軍澳工業邨拍攝一場追車戲，當日雖然落住毛毛雨，貪玩 嘅宣萱照擒上架小巴，濕身擺甫士俾記者影相。

事實證明宣萱冇公主病，反而生得牛高馬大，以前仲做過 G4嘅馬德鐘，公子上身好錫身，做訪問要記者上車，防止整濕個頭，就算宣萱嗌佢埋位影合照，馬德鐘依然唔請唔願落車，「係咩？影相呀？」

之後馬德鐘上車換飛虎衫等開工，以為記者走晒，淨係著件「蛤 乸衣」等埋位，點知又要影相，馬德鐘即時企硬：「咪住先！我著到成個車房仔咁，唔好影住，等我一陣！」只見佢 嗱 嗱淋加件避彈衣，又護腕又手套再攞埋支道具槍， chok晒樣先肯影相，差在未笠埋個飛虎面具同防毒面罩咋，該煨！


唔怕落雨唔怕污糟，宣萱擒上小巴任影，之後仲行埋去嗌匿响車避雨做訪問嘅馬德鐘落車。





瘦番好多嘅宣萱，加上剪短頭髮成個人都精神晒，不過見到有蛋撻食，都係忍唔住口！



撰文：八珍
nextb@nextmedia.com


馬德鐘近日跟宣萱合作《飛虎》時，已表明有意出外發展，而早已離巢多時的宣萱亦支持老拍檔出外搵食。（《蘋果日報》圖片）

Thank you, Stephanie!