無綫死邀 黃日華堅拒出席

《刑警》「杯葛」今晚無綫頒獎禮，男主角黃日華為劇集不受尊重而爭一口氣，一於玩NoShow，令到無綫昨晨即出招死邀，可惜徒勞無功，華哥企硬不出席。華哥助手說：「無綫係有打過嚟，不過華哥都堅持唔去嘞！（唔去頒獎禮有工作嗎？）冇呀，家庭樂啫！」


華哥及苗僑偉拒絕亮相無綫頒獎禮。負責頒獎禮的綜藝科高級經理陳家揚昨承認公司作出最後努力邀請黃日華，及至中午知道對方不出席，他說：「黃日華唔係嬲，只係苗僑偉又唔到、監製又唔到佢先唔嚟啫！」目前只得胡定欣和王浩信成為《刑》劇的最後兩位代表出席頒獎禮角逐「最佳男、女配角」。

此外，昨日下午亦有讀者發電郵致本報，他寫上「TVB冷對台慶劇刑警，指大細超漠視刑警演員，號召網友發動抗議。」