句句金
句句金
2010年11月26日

《刑警》係無綫台慶劇之一，但主角黃日華、苗僑偉等均未被邀出席《萬千星輝賀台慶》，引起劇中演員不滿。



黃日華率先喺微博發炮，指劇集不被重視、冇宣傳，台慶夜被迫冇影，更以 TVB三個英文字母諷刺無綫係：
Totally Very Bad。
無綫又係衰嘅，《義海豪情》鬼咁多宣傳，《刑警》就連影都冇，大細超到離晒譜。家下華仔鬧兩句咪算俾面囉。俾着以前，晨早打爆玻璃啦。
同舟共濟



女主角宣萱亦指公司政策唔同咗，有欠公平，慶幸自己睇化咗，有啲嘢心照。
無綫向來用人唯親，唔單止宣萱心照，直頭係公開秘密。


苗僑偉就硬撐兄弟，對於不在台慶邀請之列，佢態度溫和得多，我都覺得奇怪咗小小囉。
俗語有云「棒打出頭鳥」，三哥呢啲四両撥千斤咪叻囉。

無綫叛將盧海鵬當日都係因為制度問題憤而離開無綫，我同黃日華一樣咁無癮！
講多無謂，鵬哥最好介紹華仔入亞視，齊齊開騷鬧爆無綫，咁咪過足癮囉。
放大圖片
無綫死敵袁彌明踩多一腳，佢話無綫求人拍劇時當人係寶，事後就當人係草，奉勸所有準備回巢嘅前輩唔好返無綫，否則預咗受氣！咁就唔該佢記住今日嘅說話，他日幫無綫做嘢嗰個正衰女呀！

無綫死敵袁彌明踩多一腳，佢話無綫求人拍劇時當人係寶，事後就當人係草，奉勸所有準備回巢嘅前輩唔好返無綫，否則預咗受氣！咁就唔該佢記住今日嘅說話，他日幫無綫做嘢嗰個正衰女呀！

息事寧人


同劇嘅胡定欣冇正面回應華仔嘅火爆言論，佢息事寧人話：華哥用啲激進方法宣傳啫！
呢個答法唔會激嬲無綫，又唔會得罪華仔，果然夠晒世界女。

thanx for sharing