娛樂頂點
爆高層親自組團　帶花旦小生台灣變臉

今時今日，整容普及。唔少藝人為求容貌變得精緻上鏡，均願捱一刀甚至多刀。雲集一眾花旦、小生的 TVB，更是藝人變臉大本營， pizza面變 V字臉，矇豬眼變 barbie眼，豬膽鼻變間尺鼻，變臉技術神乎其技。

本刊收到可靠消息， TVB藝人改頭換面明目張膽，皆因背後得公司高層御准，更有女高層 H小姐甚至親自帶藝人幫襯台灣一相熟整容診所玩變臉。得女高層 H小姐帶挈，有矇眼小生瘦臉開眼後，晉身無綫當紅帥哥；有浮腫面單眼皮佳麗變靚後，釣到內地金龜。

近年 TVB唔少藝人容貌被翻舊賬，縱使藝人大多以「瘦咗、箍咗牙、化妝唔同咗！」作理由，但翻開他們初入行的照片，與現今照片對照，五官、面形兩個樣，真係靚咗好多。


林峯易容術
02年林峯剛出道時，面闊鼻扁兼細眼，不過，幾年來悉心打造，現在他雙眼皮變深，眼大有神，鼻子屬又高又挺，面形則又長又尖，典型小生靚仔樣。

H小姐
女高層 H小姐五年前拉隊去台灣執靚五官，同行的全是她力捧的小生、花旦，個個執靚後，返港工作量大增。

鄭嘉穎刀削面
還未入 TVB前，鄭嘉穎一張包包面甚福相，不過近年卻神奇發展成刀削面，輪廓比以前突出。

楊怡大執位
楊怡初出道時嘴部上顎骨向前凸出，孖潤腸嘴，再加扁鼻、細眼，毫無星味，近年卻變了鬼婆鼻及銷魂眼，扒女大翻身。

胡杏兒 V字面
以前面圓圓的胡杏兒稚氣十足，近年鼻樑愈來愈挺，面形愈來愈尖，由鄰家女孩晉身美女行列。


下令要藝員整容

唔少 TVB藝人面目大執位，其實並非個個出於自願，就如前無綫藝員王賢誌曾踢爆無綫介紹整容醫生俾藝員做手術，更直指有高層要求他將嘴兩邊收窄，才肯與他簽約。周二（ 7日）本刊致電王賢誌，他表示：「唔講咁多啦，我依家跟老竇做生意，總之我之前講嘅就冇錯啦！」另外，吳文忻早年亦爆監製李添勝要她執靚個鼻，事後李監製更直認不諱。

據知，無綫多年來，內部有一條不成文規定。藝員整容，無綫非但冇阻止，甚至試過有潛質當紥的藝員拒絕整容，結果被高層捉去照肺。

「有次入廠，有個上緊位嘅花旦俾監製『的』埋一邊，開頭見個監製係咁用手指篤佢塊面，我哋都唔知佢哋講乜，不過個監製愈講愈大聲，仲猛話：『你塊面兩邊腮起晒角，我要鏡頭就你，盞燈又要就你，你做戲做到曉飛都冇用。』」知情人士透露。

其實整容的風氣，自六十年代邵氏女星開始，其中艷星邵音音更因整容整上癮，近年她曾在訪問中大談整容後遺症。


女高層整容整上癮

花旦小生要出鏡，面容要「執」靚啲自然無可厚非，但據知一位女高層 H小姐，由於有感年事漸高，擔心人老色衰，因此五年前開始幫襯台北市漢中街一間整容診所。「其實個女高層 H小姐好多年前已經鍾意去韓國整容，係近幾年先過台灣，話貪嗰邊方便，事關好多時 TVB都會去嗰邊搞活動，咁佢帶啲藝員過去嘅時候咪順手執埋。佢呢幾年都去嗰邊整咗 3、 4次，除咗整下巴，上年仲整高咗個鼻，不過每次返嚟都話嫌未整得夠。」該女高層 H小姐隆鼻後，試過有次公司開大會，由於未消腫關係，其他高層對她竊竊私語，有某高層背後更叫她做「整容怪」。

近兩年，女高層 H小姐旗下多個愛將，被指面目全非，據知當中絕大部分都是她的傑作。「佢私底下成日同啲親生仔女講，呢行靠樣搵食，做偶像就要有偶像嘅樣，總之每次過去執少少，唔貪心就唔會俾人發覺。喺佢嘅潛移默化之下，好多藝員都聽晒佢講，跟佢過台灣變臉。」


「王子」揀頂級物料

本身出身富家子弟嘅「王子」，約四、五年前開始得該女高層 H小姐睇起，亦係首批有幸跟她過台灣執樣嘅藝員。當時鼻扁眼細嘅佢，雖然相貌唔多起眼，但因有米家底兼老竇同 TVB話事人係世交，所以一入行即做二線主角。

不過「王子」自知長相平庸，若然要上一哥位置，五官一定要大執。其實「王子」本身試過幫襯中環一間整容中心，但女高層 H小姐就建議佢去台灣執，事關當時「王子」有劇要喺台灣宣傳，所以佢就跟女高層 H小姐去變臉。

最初女高層 H小姐建議「王子」先執靚對眼，隔段時間先再整鼻，但「王子」就話想一次過整。至於隆鼻手術用嘅物料分三級制，分別係台幣三萬至八萬不等，「王子」就揀最貴一種。由於變臉程度太大，「王子」一返嚟即被人笑佢做「間尺鼻」。


「小白臉」換皮削面

小生之中，年紀唔細嘅「小白臉」，亦得女高層 H小姐帶挈，兩年前到台灣變臉。一直有打開 botox瘦面嘅佢，由於長年捱夜拍劇，面部皮膚變得粗糙、即使 botox亦救唔番面部鬆弛嘅肌肉。

「小白臉」有次同女高層 H小姐傾開，女高層 H小姐即整容顧問上身，建議佢去換皮。本身國字面形嘅佢，知道嗰邊嘅削面骨手術，淨係喺兩邊面骨開小窿取骨，唔會留疤痕，唔同以前要喺口腔切肉取骨，所以索性喺嗰邊做埋削面。埋單十二萬台幣，話咁易變成依家嘅瓜子口面。


「大山婆」削骨闖影圈

「大山婆」原本係無綫當紥花旦，可惜幾年前因扭計俾公司雪藏，到近年先解凍蒲頭。雪過一輪，「大山婆」除咗個人成熟咗，就連個樣都唔同咗。本身四方角面嘅佢，出番嚟竟然變咗 V字面，兩邊腮骨離奇消失。

原本黐開高層「大師」嘅佢，後來轉軚埋咗女高層 H小姐堆，女高層 H小姐見係自己人，將佢介紹俾電影老闆。佢仲話如果「大山婆」想拍戲，就要執執個平面方角面，事關依家啲電視同電影都係 16:9闊銀幕，本身面闊嘅「大山婆」肯定冇運行。「大山婆」最後跟女高層 H小姐去台灣削面骨，埋單十萬台幣。變靚咗嘅佢，近排仲鍾意紥起頭髮展示成果。


「綠油油」換面釣金龜

選美出身嘅「綠油油」，初入行時五官十足發水麵包，浮腫眼皮、豬膽鼻加個 pizza面。不過女大十八變，自從跟女高層過台灣走咗兩轉，「綠油油」五官即變得精緻可人，就連 A級身材亦彈升至 C級。由於全身做晒，「綠油油」埋單承惠五十萬台幣。

雖然花唔少錢兼要捱幾刀，不過「綠油油」都有可觀回報，事關經女高層搭路下，「綠油油」順利結識內地富豪，雖然最後兩人分咗手，但經富豪帶挈，「綠油油」投資有唔少斬獲，現時更係圈中小富婆。


明星玩「微整形」

多得台灣藝人吹捧，近年不少港人都放棄韓國和日本等整容強國，改為幫襯離香港較近的台灣。而位於台北市漢中街，是台灣出名的整容街，大大小小整容診所布滿街道兩邊。

現時台灣整容技術發達，更興起「微整形」技術，如開窿削骨，打透明質酸針隆鼻和假下巴，鐳射磨皮及電波拉皮，無需開刀就可達至變臉效果，方便快捷不留痕兼價錢平，吸引不少中港台藝人幫襯。


疑似帶團女高層

樂易玲是資源部總監，與各小生、花旦亦私交甚篤，在無綫位高權重。

前港姐統籌 Rosa（陳紫蓮）與歷屆港姐熟稔，人緣甚廣，兩年半前已離職無綫。

珍姐（曾勵珍）乃製作部戲劇製作總監，在無綫亦是呼風喚雨的人物，眾星都要俾面。

梅小青是無綫電視劇監製，作品有膾炙人口的《法證先鋒Ⅱ》、《宮心計》及《公主嫁到》等，捧紅了不少小生及花旦。

何小慧擔任不少大型節目監製，如《港姐》、《荃加福祿壽》及《歡樂滿東華》等，各大小生及花旦都曾與她合作。


變臉大全

其實，唔少小生、花旦入行後愈變愈靚，五官到面部都可以來個 180度大變，化腐朽為神奇。

陳法拉拉長倒三角
選美出身的陳法拉，亦是無綫變臉大師，由 Pizza面進化倒三角，神乎其技。

楊秀蕙包面變歪面
楊秀蕙乃變臉變出禍表表者，包包面總好過歪面，可見其變臉術確走火入魔。

廖碧兒變走國字面

葉翠翠扒女變美女

高鈞賢假大眼 V面


眾星談整容

TVB的小生、花旦整容傳聞無日無之，對於整容，雖然個個唔認，但就個個唔介意被懷疑，仲話係靚嘅指標㖭！

林峯　係化妝效果囉
「吓！我未聽過喎，男仔唔使搞啦！我覺得係化妝效果囉！（你都牽涉在內。）冇所謂啦，都講咗咁多年，當幫《摘星》宣傳囉。」


宣萱　一齊去有個伴
「好彩冇人叫我，即係我個樣都仲 ok啦！哈哈，遲啲就唔知喇！如果公司強迫性梗係唔接受啦！但如果要求到，而自己又覺得 ok，一齊去有個伴嘅！」

陳豪　有缺陷好啲
「係咩！有啲咁嘅嘢咩！我自己就唔需要，依家 ok喎！我覺有少少缺陷美好啲。（廖碧兒被傳有份喎？）佢 ok o架喇！唔使搞喇！」

唐詩詠　即係讚我靚咗啦
「真係 o架！又冇人邀請我嘅！俾人話整過都開心嘅，即係讚我靚咗啦！

馬賽　我戥佢哋開心
「同事靚咗我都戥佢哋開心，手術嘅嘢就唔知，應該尊重每個人嘅選擇！」

Wow. What a terrible picture of me. I'm sure picked the worst one so that people will think I need plastic surgery.

oh jessica, u don't need plastic surgery! what you have is elegance!

偶像心態真好
你在我們心裡永遠是最最美麗的
永遠都是！
ps.那張相真的有點被嚇到。。

haha, what a good reply !
oh no need go for plastic surgery please
you are already a beauty

it‘s ok！唔會太肉酸，只是古裝頭套配現代衣服有點點奇怪嘖。

这么近拍，皮肤都这么好。。。

I'm happy when you left message here. that means your health is quite good, I think. Take care, Jessica :X

You can see that your face is pretty even the camera is so close.

AND LAUGHED SO HARD, HAHHA! SORRY!

TOTALLY !
i laughed so hard.

after seeing your reply, i just couldn't stop.

same here....
Sorry have to say that. This pic is quite scary, but funny!

HAHAHAHAHA. Omg, you're super funny. lol!
Definitely not to the extend of going for plastic surgery. It's not very unglam anyway, just a little scary. heeeeee.

Classic expression there. Still pretty! :)

Jessica you have such good sense of humor!(= lol

Oh my gosh! This picture of you is weird! HAHA No need a plastic surgery coz It is a piece of cake that we will cover hehe

你永遠是最漂亮最自然的，更無需要整容~~~

We don't believe these gossipy news.

Jessica, you are awesome!

哈哈。。我剛剛看到這張照片時有點嚇到哦！不過再看一次我覺得偶像這張照片拍的很美（很自然）的哦。。而且在我眼裡你永遠的是那麼的漂亮和美麗哦！