[新闻2009-12-26]壹周刊第1033期和忽然一周第752期
from 网易论坛
News from Next #1033
探熱針 賭王孫女　數臭宣萱獸醫男友
2009-12-23

我哋好啱 key喎！（設計對白）
關你咩事！（設計對白）
三十九歲宣萱公開承認跟年紀較細幾年，南非籍的獸醫男友 Ruan拍拖個多月，對新男友讚不絕口的她更自認執到！
據了解，跟狗圈人熟稔的 Ruan，其實並不簡單。○八年，他在何鴻燊長孫女何家華於澳門開設的獸醫診所駐診，後因股權糾紛，何家華被迫將診所暫時關門，以及在網上大鬧 Ruan多宗罪，最後雙方要對簿公堂。

管接管送

自爆拍罷旅遊特輯《活着》返港後大病，得到獸醫 Ruan細心照顧，而同對方撻着的宣萱，對於新戀情毫無保留，明知有記者追訪，連日來在將軍澳拍完電視劇《刑警》後，照樣飛車到男友位於荃灣的獸醫診所接放工。

上週五（十二月十八日）晚上八點，宣萱收工後揸住七人車到荃灣，由於男友當日返夜班，早到的宣萱在車內呆等兩個鐘。踏正十點正， Ruan離開診所上車，二人直駛到屯門黃金海岸附近的單幢屋苑蟠龍別墅，逗留至深夜仍未離去。

翌日晚上，宣萱繼續揸車接男友放工，九點九到埗， Ruan同樣於十點步出診所，跟在車上等他的宣萱傾了幾句再折返診所，十五分鐘後，才拿着大包裝狗糧上車。二人之後到位於北京道一號頂樓的 Aqua撐枱腳，食足兩粒鐘，凌晨時分才離開返回蟠龍別墅。

上週五，宣萱連續兩晚收工後揸車到荃灣接男友放工， Ruan對記者毫不抗拒，更主動揮手打招呼，之後即雙雙返回屯門蟠龍別墅。第二晚，二人先到北京道 1號食飯撐枱腳，之後又再返回屯門蟠龍別墅過夜。




08年 12月初開始，有不滿「皇家獸醫中心」突然休業的顧客在網上討論區大鬧，除揭發 Ruan有問題，亦令何家華出聲明反擊種種謠言。
錢銀糾紛

女友出名，但原來 Ruan本身在澳門狗圈亦頗有「名氣」，他曾經在賭王長房孫女何家華投資的澳門「皇家獸醫中心」做駐診醫生，後來因為跟何家華有錢債問題，要求身為大股東的何家華將股權轉讓，令診所要突然停業。

「 Ruan當時要何家華轉啲股權俾佢，但其實佢都未還清開業時診所嗰一筆錢，所以何家華冇即刻應承，不過佢就玩嘢，煽動診所嘅護士集體曠工，仲擅自將電腦密碼改咗，啲客想攞番擺喺入面嘅貓狗病歷都唔得，令到成班客喺網上嘈得好緊要，何家華迫於無奈將診所暫停。
「所以佢（何家華）知道宣萱同 Ruan拍拖就好擔心，不斷問身邊朋友識唔識宣萱，有冇辦法聯絡到佢，因為佢好想話俾宣萱知 Ruan係一個咩人，想叫佢小心啲。好似嗰陣有人喺討論區話何家華搵人扑暈啲客嘅狗，搞到佢要發聲明澄清，佢當時真係好嬲，冇諗過啲人咁差，佢哋最後搞到要打官司，何家華總共輸咗二百幾萬。」何家華身邊人透露。


宣萱日前出席活動，就斥責舉辦活動單位未有尊重她，在未有通知下，以她的新戀情大做宣傳。

宣揚女友
宣萱大方公開戀情， Ruan更有心宣揚自己有個好紅的娛樂圈女友。「近排啲朋友約 Ruan去玩，佢都會話自己好忙，因為識咗個做娛樂圈嘅女朋友，個女仔好紅，佢唔可以再成日出現朋友聚會，所以身邊班朋友都知佢同宣萱拍拖；早排雜誌仲登埋佢個樣，相信會有更加多人幫襯佢。」
週日（二十日），宣萱出席有關狗隻的聖誕活動時，表示不滿舉辦活動的公關公司將她的感情事作為招徠工具：「我唔介意公開戀情，不過要預先話俾我知，呢啲係基本尊重。」要求別人尊重的宣萱講過，好珍惜同 Ruan這段新戀情，但對男友過去，又知幾多？

宣萱在家飼養的六隻流浪狗，大部分是唐狗，其中一隻在數年前因病看醫生，因而對 Ruan留下「幾靚仔」的印象。

宣萱拍《活着》旅遊特輯大病， Ruan因而有機會大獻殷勤打動芳心，有份同去非洲的何守信則拍到斷腳，要坐輪椅出席記者會，要宣萱跟徐子珊幫手推車。
撰文、攝影：娛樂組
mailto:nextb@nextmedia.com

from 网易论坛
News from Sudden #752
娛樂頂點 虛報專業資格 宣萱獸醫男友被查
2009-12-25


撐枱腳賀牛一
難得呢日唔使為新劇《刑警》開工，宣萱接男友收工後便到北京道一號頂樓「Aqua」為Ruan慶祝生日，即使見到記者，兩人都非常welcome，齊齊望鏡頭笑晒。晚飯後，兩人齊返男方寓所過夜。

39歲的宣萱，前周六（12日）突然自爆跟35歲南非籍獸醫RuanBester拍拖兩個多月，更對男友有讚無彈，校啱時間賀前緋聞男友羅嘉良跟蘇岩新婚之喜。
但本刊近日卻收到消息，指宣萱口中這個筍盤男友，原來在獸醫界相當花底。她去年跟「賭王」何鴻燊長孫女何家華在澳門開設的皇家獸醫診所，最終因股權糾紛對簿公堂。據知他亦被投訴虛報專業會員資格，現在被「香港獸醫管理局」調查。Ruan究竟係咪筍盤？宣萱真係要睇真啲。
宣萱自爆這段「寵物情緣」始於4 年前，當年宣萱跟Ruan邂逅的獸醫診所是位於勝利道的「勝利獸醫診所」。原來Ruan由南非來港後便在那裏任職，之後因跟診所鬧翻，再轉到澳門發展。據知情人士表示：「當時Ruan同朋友喺澳門合資『澳門獸醫中心』，當時何家華係『澳門愛護動物協會』主席，成日帶協會內嘅寵物去睇Ruan，兩人因為咁識咗。」

12月19日準時收工
上周六（19日）係宣萱男友Ruan35歲生日，當晚10點一放工，Ruan即離開位於荃灣的獸醫診所，原來宣萱專誠駕車前來接男友放工


12月 18日麵包當晚餐
每朝 10點返獸醫診所開工的 Ruan，呢日下午 6點幾到附近麵包店買包當晚餐，十幾蚊一餐，非常慳。

冧爆互望
Ruan生日前一晚，宣萱揸車接 Ruan放工，在場記者狂影相，宣萱只識望住男友甜笑。

返男友家過夜
之後宣萱駕車直駛 Ruan位於屯門嘅蟠龍半島屋企，直到凌晨一點宣萱都冇離開。
唔俾錢做股東
幾個月後 Ruan跟合資的朋友不歡而散，主動邀請何家華合資再開獸醫診所，何家華見 Ruan醫術不俗便答應跟他合作。知情人士說：「 08年初何家華投資 500萬開『皇家獸醫中心』，傾好咗 Ruan會夾 25％，點知去律師樓簽字前， Ruan話想佔 50％，但佢話自己冇錢。當時佢哋雙方都好有誠意合作，於是協議 Ruan頭兩年唔收人工當入股，大家同意晒先至開業。」
誰知「皇家獸醫中心」開業不足半年，何家華開始發現 Ruan問題多多。「何家華將間獸醫中心全權交晒俾 Ruan管理。 Ruan同出面嘅人講自己係大老闆，但係喺啲護士面前就扮可憐，話何家華冇出糧俾佢。之後何家華覺得帳目有問題，問會計師攞條數睇，點知俾 Ruan阻止。之後 Ruan話借錢買起晒何家華嘅股份，後來借唔到錢就發動啲護士罷工，逼何家華俾啲股權佢！」

結果何家華被逼關閉「皇家獸醫中心」，查帳時才發覺 Ruan利用診所的錢替自己交租，何家華因而入稟法庭追討賠償，但最後雙方庭外和解。本刊就此事向身在英國度假的何家華了解，她回應說：「呢啲係事實，但我唔方便再回應。」
虛報專業資格

宣萱養了 6隻唐狗，她表示愛犬非常喜歡新男友 Ruan，宣萱仲大讚 Ruan係適合嘅結婚對象。
Ruan 除了做生意混帳外，更被人向「香港獸醫管理局」投訴，指他虛報專業會員資格。投訴指 Ruan向外宣稱取得「英國皇家獸醫學院院士」（ MRCVS），事實上他並沒此資格，據知現正被「香港獸醫管理局」調查。本周二（ 22日），本刊向「香港獸醫管理局」了解，該局以個人私隱為由，拒絕透露是否收到有關 Ruan的投訴。
雖然 Ruan的職業操守被質疑，但冇影響追女心情，宣萱更對他死心塌地，連日親自揸車接 Ruan收工。上周五（ 18日）宣萱接完 Ruan收工後更返回 Ruan寓所度春宵。翌日 Ruan35歲生日，宣萱接完 Ruan收工，再到尖沙嘴撐枱腳慶祝，就算發現有記者在場亦大方任影，愛得甜蜜。
本周三（ 23日），本刊就虛報專業資格被查一事，致電 Ruan任職的「城市獸醫動物及珍禽異獸醫院」，員工表示 Ruan放假，至截稿前都沒有回覆。至於本周三晚身在將軍澳電視城開工的宣萱則回應說：「總之你問咩，我都唔回應。」

作大唔眨眼

在當年「皇家獸醫中心」的傳單上， Ruan的專業會員資格印有 MRCVS（紅圈）的銜頭（即英國皇家獸醫學院院士），但本刊取得「英國皇家獸醫學院」透過電郵的回覆，確定 Dr. Ruan並沒持有該學院嘅專業資格（圖）。本刊曾以顧客身份致電 Ruan現時任職的「城市獸醫動物及珍禽異獸醫院」，該院職員聲稱院內所有醫生都有 MRCVS資格。

與賭王孫女為錢反目

08年 12月初，「皇家獸醫中心」突然休業，何家華即在網上發聲明，敘述與 Dr. Ruan發生股權糾紛的由來，表明已交由律師處理。
採訪、撰文：娛樂組
攝影：李寶昌、高智翹、招景德

very worried about her...